Impendwa
23 E lyo Balaamu atile kuli Balaki: “Unkuulile ifiipailo+ cinelubali (7) pano kabili umpekanishishe ing’ombe ishilume cinelubali na basukusuku cinelubali pano.” 2 Apo pene fye Balaki acitile ifyo Balaamu alandile. E lyo Balaki na Balaamu batuulile ing’ombe iilume na sukusuku pa ciipailo cimo cimo.+ 3 Kabili Balaamu atile kuli Balaki: “Iminina mupepi no mutuulo+ obe uwa koca, kabili leka ine ndeya. Napamo Yehova akamoneka kuli ine no kunkumanya.+ Kabili conse ico akananga, nkakweba.” Awe aile na pa kalupili apabula akantu.
4 Ilyo Lesa amoneke kuli Balaamu,+ e lyo Balaamu atile kuli Lesa: “Nakuulile ifipailo cinelubali (7) mu mutande, kabili natuulile ing’ombe iilume na sukusuku pa ciipailo cimo cimo.”+ 5 Na o Yehova aebele Balaamu+ ifya kuyalanda, kabili atile: “Bwelela kuli Balaki, ne fi e fyo uyelanda.”+ 6 Awe abweleele kuli ena, kabili, moneni! eminine pamo na bacilolo bakwe bonse mupepi no mutuulo wakwe uwa koca. 7 E lyo alandiile mu mapinda+ ati:
“Balaki imfumu ya Moabu yaeseshe ukunjita ukufuma ku Aramu,+
Ukumfumya ku mpili sha ku kabanga aiti:
‘Isa, untiipileko Yakobo.
Wise, unjebawileko Israele.’+
9 Pantu ni pa muulu wa mabwe e po nabamwena,
Kabili pa tupili e po nabamwena.
Kulya e ko baikala beka mu nkambi,+
Kabili tabaimona kantu mu nko.+
10 Nani uwingapenda abana ba kwa Yakobo abafula ngo lukungu,+
Kabili nani uwingapenda iminshipendwa ya bana ba kwa Israele?
Lekeni mfwe imfwa ya balungami,+
Kabili impela yandi ibe nge yabo.”+
11 E lyo Balaki atile kuli Balaamu: “Cinshi wacita kuli ine? Ico nakusendeele kwisatiipa abalwani bandi, nomba mona iwe wabapaala nga nshi.”+ 12 Na o ayaswike ati: “Bushe nshifwile ukubika amano ku kusosa fyonse ifyo Yehova anjebele?”+
13 E lyo Balaki amwebele ati: “Shi natuye bonse kumbi uko wingabamona. Ulemona fye umo bapelele,+ lelo tawabamone bonse. Kabili kulya e ko untiipile aba bantu.”+ 14 Awe amutwele ku mpanga ya kwa Sofimu, pa muulu wa Pisga,+ kabili akuulileko ne fiipailo cinelubali (7) no kutuula ing’ombe iilume na sukusuku pa ciipailo cimo cimo.+ 15 Pa numa, atile kuli Balaki: “Iminina pano mupepi no mutuulo obe uwa koca, lelo ine, leka nje nkumane nankwe palya.” 16 Na o Yehova akumene na Balaamu no kumweba ifya kuyalanda, kabili atile:+ “Bwelela kuli Balaki,+ ne fi e fyo uyelanda.” 17 Awe aile kuli ena, kabili, moneni! eminine mupepi no mutuulo wakwe uwa koca, ali pamo na bacilolo ba ku Moabu. E lyo Balaki amwipwishe ati: “Finshi Yehova akwebele?” 18 Na o alandiile mu mapinda no kutila:+
3“Ima, we Balaki kabili umfwa.
Umfwa kuli ine, we mwana mwaume wa kwa Sipore.+
19 Lesa te muntu uwa kuti abepe,+
Kabili te mwana wa muntu uwa kuti aluke.+
Bushe kwaliba ico alanda no kukanacicita,
Kabili bushe abala afilwa ukucita ico alanda?+
21 Tabala asumisha uuli onse ukulowa+ Yakobo,
Nangu ukuleka ubwafya ukwisa pali Israele.
Yehova Lesa wakwe aba nankwe,+
No kuwelesha kwa kucindika imfumu kuli mu kati kakwe.
23 Pantu takuli uwingashamika Yakobo,+
Kabili takuli uwingabuka ulubuko pali Israele.+
Pa nshita iyi abantu bakalanda pali Yakobo na Israele abati,
‘Moneni ifyo Lesa abacitila!’+
24 Moneni, abantu bakema nge nkalamo,
Kabili abene bakaimya kwati ni nkalamo.+
Tabakalaale mpaka balya icaikatwa,
Kabili bakanwa umulopa wa baipaiwa.”+
25 E lyo Balaki atile kuli Balaamu: “Kanshi nga wafilwa ukumutiipa, ninshi no kumupaala wimupaala.” 26 Balaamu na o ayaswike Balaki ati: “Bushe nshikwebele, nati, ‘Fyonse ifyo Yehova akalanda e fyo ine nkacita’?”+
27 E lyo Balaki atile kuli Balaamu: “Isa. Leka nkutwale na kumbi. Napamo Lesa wa cine kuti atemwa ukuti kulya e ko untiipile aba bantu.”+ 28 Awe Balaki atwele Balaamu pa muulu wa Peore, uwaba apalungatana na Yeshimone.+ 29 E lyo Balaamu+ atile kuli Balaki: “Nkuulila ifiipailo cinelubali (7) pano kabili umpekanishishe ing’ombe ishilume cinelubali na basukusuku cinelubali pano.”+ 30 E ico Balaki acitile ifyo Balaamu alandile, kabili atuulile ilambo lya ng’ombe iilume na sukusuku pa ciipailo cimo cimo.+