Ulwa kwa Davidi.
138 Nkamutootela no mutima wandi onse.+
Nkamulumbanishisha pa cilimba ku cinso ca balesa bambi.+
2 Nkakontamina kwi tempele lyenu ilya mushilo,+
Kabili nkatootela ishina lyenu,+
Pa mulandu wa cikuuku+ cenu na pa mulandu wa cishinka cenu.+
Pantu ifyebo+ mulanda mulafifikilisha mu nshila iikalamba iya kuti yacila na pe shina lyenu.+
3 Pa bushiku nakuutile, imwe mwalinjaswike;+
Mwalengele umweo wandi ukushipa no ku-ukosha.+
4 Ishamfumu shonse isha pe sonde shikamutootela, mwe Yehova,+
Pantu shikaba nashumfwa ifyebo fya mu kanwa kenu.
5 Kabili shikemba pa mibele ya kwa Yehova,+
Pantu ubukata bwa kwa Yehova bukulu.+
6 Pantu Yehova alisumbuka, lelo alamona abaiceefya;+
Kabili aba ukutali na baitutumuna.+
7 Nga naenda mu bucushi, mukasunga umweo wandi.+
Mukatambalika ukuboko kwenu pa mulandu wa cipyu ca balwani bandi,+
No kuboko kwenu ukwa ku kulyo kukampususha.+
8 Yehova akafishapo ukufwaya kwakwe konse kuli ine.+
Mwe Yehova, icikuuku cenu ca muyayaya.+
Mwilekelesha ifyo mwabumba.+