Amalumbo

149 Lumbanyeni Jah!+

Imbileni Yehova ulwimbo ulupya,+

Ulwa kumulumbanya mu lukuta lwa ba cishinka.+

 2 Lekeni Israele asekelele muli Kalenga wakwe, Lesa Mukulu,+

Lekeni abana ba kwa Sione—baangile mu Mfumu yabo.+

 3 Lekeni balumbanishishe ishina lyakwe mu kucinda.+

Lekeni bamulumbanishishe pa kaoma na pali nsango.+

 4 Pantu Yehova asekelela mu bantu bakwe.+

Acindamikila abafuuka ukupitila mu kubapususha.+

 5 Lekeni aba cishinka baangile mu bukata;

Lekeni basekelele pa masanshi yabo.+

 6 Lekeni inyimbo sha kulumbanya Lesa shilefuma pa mikoshi yabo,+

No lupanga ulwatwila kubili kubili lube mu minwe yabo,+

 7 Ku kuleta icilandushi pa nko,+

Ku kwebaula abantu na bantu,+

 8 Ku kukaka ishamfumu shabo mu minyololo+

Na bakata babo mu makusu ya fyela,v

 9 Ku kuleta pali bena ubupingushi bwalembwa.+

Ubucindami bwa musango yo bwaba ku ba cishinka bakwe bonse.+v

Lumbanyeni Jah!+