Amalumbo

135 Lumbanyeni Jah!+

Lumbanyeni ishina lya Yehova,+

Mwe babomfi ba kwa Yehova, mulumbanyeni,+

 2 Mwe beminina mu ng’anda ya kwa Yehova,+

Mu mansa sha ng’anda ya kwa Lesa wesu.+

 3 Lumbanyeni Jah, pantu Yehova musuma.+

Lumbanishisheni ishina lyakwe pa filimba, pantu lisuma.+

 4 Pantu Jah alisala Yakobo ukuba uwakwe,+

Israele ukuba abantu bakwe abaibela.+

 5 Pantu nalishiba ukuti Yehova mukulu,+

Kabili Shikulwifwe acila tulesa tonse.+

 6 Fyonse ifyo Yehova afwaile ukucita alicita.+

Mu muulu na pe sonde, muli babemba na mu menshi yonse ayashika.+

 7 Alenga fubefube ukwima ukufuma ku mpela ye sonde;+

Alipanga no mwa kufumina imfula;+

Afumya umwela mu matala yakwe,+

 8 Uwaipeye amabeli ya mu Egupti,+

Aya bantu na ya nama.+

 9 Atumine ifishibilo ne fipesha amano mu kati kobe, we Egupti,+

Pali Farao na pa babomfi bakwe bonse;+

10 Uwaipeye inko ishingi+

No kwipaya ishamfumu sha maka,+

11 Kumo na Sihone imfumu ya bena Amore+

Na Oge imfumu ya ku Bashani+

Na mabufumu yonse aya mu Kanaani,+

12 Kabili uwapeele icalo cabo ukuti cibe ica bupyani,+

Ukuba ica bupyani ku bena Israele abantu bakwe.+

13 Mwe Yehova, ishina lyenu lya muyayaya.+

Mwe Yehova, icibukisho cenu ca ku nkulo ne nkulo.+

14 Pantu Yehova akalubulwila abantu bakwe,+

Kabili akekatilwa ababomfi bakwe inkumbu.+

15 Utulubi twa nko twa silfere na golde,+

Twacitwa ku minwe ya bantunse.+

16 Utunwa twalikwata, lelo te kuti tusose nangu cimo;+

Amenso twalikwata, lelo te kuti tumone nangu cimo;+

17 Amatwi twalikwata, lelo te kuti tumfwe nangu cimo.+

Kabili tamwaba umupu mu tunwa twa tuko.+

18 Abatupanga bakaba fye nga twena,+

Onse uututetekela.+

19 Mwe ba mu ng’anda ya kwa Israele, cindikeni Yehova.+

Mwe ba ng’anda ya kwa Aarone, cindikeni Yehova.+

20 Mwe ba mu ng’anda ya kwa Lebi, cindikeni Yehova.+

Mwe baba na katiina kuli Yehova, cindikeni Yehova.+

21 Abe uwacindikwa Yehova mu Sione,+

Uwikala mu Yerusalemu.+

Lumbanyeni Jah!+