Ulwa malumbo ya kwa Davidi.
29 Cindikeni Yehova, mwe bana baume ba mpalume,
Lumbanyeni ubukata bwa kwa Yehova ubukata na maka yakwe.+
2 Lumbanyeni ubukata bwe shina lya kwa Yehova.+
Kontameni kuli Yehova mu ca kufwala ca mushilo.+
3 Ishiwi lya kwa Yehova lili pa muulu wa menshi;+
Lesa umukata+ abulukuta.+
Yehova ali pa muulu wa menshi ayengi.+
4 Ishiwi lya kwa Yehova lya maka;+
Ishiwi lya kwa Yehova lyalicindama.+
5 Ishiwi lya kwa Yehova lifunaula imikedari;
Cishinka, Yehova e ufunaule mikedari ya ku Lebanone,+
6 Kabili ailenga itolauke ngo mwana wa ng’ombe,+
Lebanone na Sirione+ nga bana ba mboo.
7 Ishiwi lya kwa Yehova lilepula ifimabwe ku mingu sha mulilo;+
8 Ishiwi lya kwa Yehova lilenga amatololo ukumoneka nga yalenyongotoka,+
Yehova alenga amatololo ya Kadeshe+ ukumoneka nga yalenyongotoka.
9 Ishiwi lya kwa Yehova lilenga insebula nkota ukucululuka pa kupaapa+
Kabili lipulula imiti ya mu mpanga.+
Kabili mwi tempele lyakwe bonse baleti: “Ubukata!”+
10 Pa muulu we lyeshi e po Yehova aiteka;+
Kabili Yehova ni mfumu umuyayaya.+
11 Yehova akapeela abantu bakwe amaka.+
Yehova akapaala abantu bakwe pa kuti babe no mutende.+