Ku ng’omba nkalamba, pa filimba fya nsale pali sheminiti.+ Ulwimbo lwa kwa Davidi.
6 Mwe Yehova, mwinungikila mu bukali bwenu,+
Kabili mwinungikila mu cipyu cenu.+
2 Mbeleleni uluse, mwe Yehova, pantu nshili na maka.+
Mposheni,+ mwe Yehova, pantu nayatentuka amafupa yandi.
3 Cine cine umweo wandi nausakamikwa nga nshi;+
Lelo imwe, mwe Yehova—kufika lilali?+
4 Bweleni,+ mwe Yehova, pokololeni umweo wandi;+
Mpususheni pa mulandu wa cikuuku cenu.+
5 Pantu abafwa te kuti balande pali imwe;+
Nani engamulumbanya mu Nshiishi?+
6 Nimfunshika ku fya kuteta fyandi;+
Ubushiku bonse nenga ica kulaalapo candi ukubomba;+
Ku filamba fyandi nenga ubusanshi bwandi ukubomba.+
7 Ukucula kwalenga ilinso lyandi ukunaka,+
Lyakota pa mulandu wa balwani bandi bonse.+
8 Ntalukeni, imwe bonse mwe bacita ifyabipa,+
Pantu Yehova akomfwa ishiwi lya kulila kwandi.+
9 Yehova ukumfwa akomfwa ukulomba kwandi no kumbelela uluse,+
Yehova akapokelela ipepo lyandi.+
10 Abalwani bandi bonse bakekatwa insoni+ icine cine kabili bakasakamikwa;
Bakapilibuka, bakomfwa insoni apo pene fye.+