Amalango
2 Nalapongolola ukufunda kwandi nge mfula,+
Ifyebo fyandi fyalakonkoloka ngo mume,+
Nge mfula iilemiima pa cani+
Kabili nga bacipungufula pa mulemfwe.+
4 Cilibwe, imilimo yakwe yalifikapo,+
Pantu inshila shakwe shonse mulinganya.+
Lesa uwa cishinka,+ uushaba na lufyengo;+
Alilungama kabili alitambalala.+
6 Bushe Yehova e o mwingalacita ifi,+
Mwe batumpa kabili abashaba na mano?+
Bushe te Shinwe uwamulengele ukubako,+
Bushe te wamubumbile no kumulenga ukubako?+
7 Ibukisheni inshiku sha kale,+
Tontonkanyeni pa myaka ya nkulo ne nkulo;
Ipusheni ifikolwe fyenu, na fyo fyalamweba;+
Ipusheni abakalamba, na bo kuti bamweba.+
8 Ilyo Uwapulamo ayakenye inko ifyalo,+
Ilyo apaatukenye bamwana Adamu,+
Apakanishishe abantu na bantu imipaka+
Ukulingana ne mpendwa ya bana ba kwa Israele.+
10 Aishile ku kumufwaya mu matololo,+
Kabili umushaba nangu cimo, mu ciswebebe umwafina.+
Alimushingulwike,+ alimusakamene,+
Ukumulinda nge mboni ya linso lyakwe.+
11 Nga filya fine kapumpe asunkanya icinsa cakwe,+
Filya fine ashininda pa bana bakwe,
Filya ansa amapindo yakwe no kubabuula,
No kubasendela pa mapindo yakwe,+
12 E fyo Yehova eka alemutungulula,+
Kabili takwali lesa umbi pamo nankwe.+
13 Alemwensha pa ncende ishasansuka isha pe sonde,+
Na o aliliile ifisabo fya mu mabala.+
Kabili amulengele ukulya ubuci bwa mu cilibwe,+
No kufumya amafuta mu cilibwe icakosa nga nshi;+
14 Umukaka watikama uwa ng’ombe no mukaka wa mpaanga+
Pamo na mafuta ya basukusuku,
Ne mpaanga ishilume, isha mu Bashani, na basawe+
Pamo ne ngano shawamisha;+
Kabili walenwa amenshi yakashika aya mwangashi.+
15 Ilyo Yeshuruni+ ainine, atendeke ukupanta.+
Nawina, naukula, nawikutisha.+
E fyo ashiile Lesa, uwamubumbile,+
No kusuula Icilibwe+ casansuka ice pusukilo lyakwe.
17 Baleipaila amalambo ku fibanda, te kuli Lesa iyo,+
Balesa abo bashaishibe,+
Abapya abaishile nomba,+
Abo ifikolwe fyenu fishaishibe.
19 Ilyo Yehova amwene ci, alibasuulile,+
Pa mulandu wa fyo abana bakwe abaume na bana bakwe abanakashi bamukalifye.
20 E ico atile, ‘Kamfise icinso candi kuli bena,+
Pa kuti mone ifyo impela yabo ikaba.
Pantu ni nkulo iya bucenjeshi,+
Abana abashaba na cishinka.+
21 Abene beka e banenga ukuba no bufuba pa fintu ifishili balesa;+
Banenga nkalipe pa mulandu wa tulubi twabo utwa fye;+
Na ine nkabalenga ukuba no bufuba ku bashaba bantu;+
Nkabalenga bakalipe pa mulandu wa luko lwa bantu abawelewele.+
22 Pantu umulilo wasontekwa ku bukali bwandi+
Kabili uleoca ukufika ku Nshiishi,* ku nindi,+
Kabili uleoca isonde ne fisabo fya liko+
Kabili ulebilimya amashinte ya mpili.+
24 Bakatembuka ku nsala+ no kucula ku bulwele bwa kukaba umubili+
Na ku bonaushi bwakalipisha.+
Kabili nkabatumina ifiswango ifikalabemina,+
Pamo ne fikulika mu lukungu ifya busungu.+
25 Pa nse ulupanga lukabalenga ukufwilwa,+
Kabili mu kati mukaba umwenso,+
Umulumendo na nacisungu,+
Uonka no wa mfwi kumo.+
27 Lelo nshalefwaya abalwani ukunkalifya,+
Natile epali abalwani babo balaibepa,+
Epali batila: “Ukuboko kwesu nakubacimfya,+
Kabili te Yehova uucitile fyonse ifi.”+
30 Bushe umo kuti afulumuna shani abantu ikana limo (1,000),
Na babili kuti bafulumuna shani amakana ikumi (10,000)?+
Kano Icilibwe cabo cabashitisha+
Na Yehova abalekelako.
Ifisabo fyabo ifya mwangashi fisabo fya sumu,
Ifisansangu fya fiko fyalilula.+
35 Nine mfwile ukulandula no kukanda.+
Ilyo inshita ikafika amakasa yabo tayakashikatale,+
Pantu nabupalama ubushiku bwa kubonaula,+
Kabili ifili no kubaponena fileangufyanya.’+
36 Pantu Yehova akapingula abantu bakwe+
Kabili akalanguluka pa babomfi bakwe,+
Pantu akamona ukuti ubwafwilisho nabupwa
Kabili kuli fye uwapelelwa no wa fye.
37 Kabili akatila, ‘Bali kwi balesa babo,+
Icilibwe casansuka umo baubile,+
38 Abalelya amafuta ya malambo yabo,+
No kunwa umwangashi wa mutuulo wabo?+
Nabeme no kumwafwa.+
Lekeni babe icubo cenu.+
39 Mwamona nomba ukuti ine—nine+
Kabili takuli balesa abali pamo na ine.+
Ndepaya, kabili nenga ukuba no mweo.+
Nalicenawile,+ kabili nkondapa,+
Kabili takuli nangu umo uwa kupokolola mu kuboko kwandi.+
40 Pantu naimisha ukuboko kwandi mu muulu pa mulandu wa mulapo,+
Kabili natila: “Ndeilapa ne mwine umuyayaya,”+
41 Nga nanona ulupanga lwandi ulwabeka,+
Ne minwe yandi yaikata ubupingushi,+
Nkaleta icilandushi pa balwani bandi+
No kukanda abampata icine cine.+
42 Nkalenga imifwi yandi ikolwe umulopa,+
No lupanga lwandi lukalya umunofu,+
Pamo no mulopa wa baipaiwa no wa bankole,
Pamo ne mitwe ya ntungulushi sha balwani.’+
43 Mwe nko, sansamukileni pamo na bantu bakwe,+
Pantu akalandula umulopa wa babomfi bakwe,+
Akaleta ne cilandushi pa balwani bakwe+
Kabili akasangulula icalo ca bantu bakwe.”
44 E fyo Mose aishile no kusosa amashiwi yonse aya ulu lwimbo mu matwi ya bantu,+ ena na Hoshea mwana Nuni.+ 45 Ilyo Mose apwile ukusosa amashiwi yonse aya ku bena Israele bonse, 46 abebele ati: “Bikeni imitima yenu pa mashiwi yonse ayo ndemweba lelo ku kumusoka,+ pa kuti mwebe abana benu ukubika amano ku kukonka aya mafunde yonse.+ 47 Pantu te mashiwi ya fye ndemweba,+ lelo mweo wenu,+ kabili kuli aya mashiwi kuti mwalenga inshiku shenu ukufula mu calo ico muleabukila Yordani ukuti cibe cenu.”+
48 Kabili Yehova asosele kuli Mose pa bushiku bwine ubu, ati:49 “Nina ulupili lwa mu Abarimu+ ulu, Ulupili lwa Nebo,+ ulwa mu calo ca Moabu, ulwalungatana na Yeriko, no kumona icalo ca Kanaani, ico ndepeela ku bana ba kwa Israele ukuba icalo cabo.+ 50 Kabili ulefwila pa lupili ulo ulenina, nge fyafwa abantu bobe,+ filya fine Aarone munonko afwile pa Lupili lwa Hore+ nge fyafwa abantu bakwe;51 pantu mwacitile ico nshamwebele+ mu kati ka bana ba kwa Israele pa menshi ya Meriba+ ku Kadeshe mu matololo ya Sini; pantu tamwancindike mu kati ka bana ba kwa Israele.+ 52 Pantu ukamwena icalo akatalamukila, lelo tawakengile mu calo ico ndepeela ku bana ba kwa Israele.”+