Miktamu wa kwa Davidi.
16 Nsungeni, mwe Lesa, pantu nauba muli imwe.+
2 Nsosele kuli Yehova nati: “Ni mwe Yehova; ubusuma bwandi, tabuli kantu kuli imwe,+
3 Kano ku ba mushilo abali pe sonde.
Bena, e bakankaala, abo nsekelelamo.”+
4 Ukukalipwa kulafula ku bantu aba kuti, ilyo kuli lesa umbi, e ko bayangufyanya ukuya.+
Nshakapongolole umutuulo wa mwangashi uwa mulopa,+
Kabili nshakalumbule amashina yabo ku kanwa kandi.+
5 Yehova e cakaniko candi+ kabili e lukombo lwandi.+
Ni mwe mwansungila ico bampendwila.
6 Intambo sha kupiminako shamponena umwawama.+
Cine cine, nintemwa ubupyani bwandi.
7 Nkacindika Yehova, uumpandile amano.+
Cine cine, mu nshita sha bushiku imfyo shandi shilanungika.+
8 Nabika Yehova pa ntanshi yandi pe.+
Pantu aba ku kwa kulyo kwandi, nshakatelentenshiwe.+
9 E ico umutima wandi ulasekelela, no bukata bwandi bulaanga.+
No mubili wandi ukekala umutelelwe.+
10 Pantu tamwakanshe mu Nshiishi.+
Tamwakaleke uwa cishinka wenu ukubola mu nindi.+
11 Mukanenga ukwishiba inshila ya ku bumi.+
Ukusekelela kwafikapo kufuma ku cinso cenu;+
Ubusuma buli mu kuboko kwenu ukwa kulyo pe na pe.+