18 Pantu tamwapalamina ku lupili ulumoneka,+ apaba umulilo uubilima,+ ikumbi ilyafiita, imfifi iyafiita fititi, icimwela icikalamba,+ 19 ipenga ililelila,+ ne shiwi.+ Ilyo abantu baumfwile ili shiwi, bapaapeete ukuti bebeba amashiwi na yambi.+ 20 Pantu balitiinine ifunde ilitila: “Nangu fye ni nama nga yakumya ku lupili, bafwile ukuipoola amabwe.”+ 21 Na kabili, ico bamwene calibatiinishe nga nshi ica kuti Mose atile: “Ndetutuma pa mulandu no mwenso.”+