6 Ilyo inshiku sha kuisangulula pa mulandu wa kufyala umwana umwaume nangu umwana umwanakashi shikapwa, e lyo akalete akana ka mpaanga aka mwaka umo pa kuti kakabe umutuulo wakwe uwa koca.+ Akalete na kana ka nkunda nelyo icipele ica mutuulo wa pa lubembu kuli shimapepo pa mwinshi we tenti lya kukumaninamo na Lesa.

18 “Eba Aarone na bana bakwe na bena Israele auti, ‘Nga ca kuti umwina Israele nangu umulebeshi wa mu Israele atuulila Yehova umutuulo wa koca+ pa kuti afikilishe umulapo, nelyo pa kuti ube umutuulo wa kuitemenwa,+ 19 alingile ukutuula ing’ombe iilume iyabula akalema,+ utwana twa mpaanga utulume nangu imbushi pa kuti Lesa apokelele umutuulo wakwe. 20 Tamufwile ukutuula inama iili na kalema,+ pantu Lesa takaipokelele.