38 “Ifi e fyo ukalatuula pa ciipailo cila bushiku: utwana twa mpaanga tubili utwa mwaka umo.+ 39 Ukaletuula akana ka mpaanga kamo ulucelo, na kana ka mpaanga kambi ukalekatuula ilyo fye akasuba kawa.*+ 40 Akana ka mpaanga aka kubalilapo ukakatuulile pamo na oma imo* iya buunga bwapeleka ubo basaakanya na mafuta ya muolife ayasuma nga nshi aya mu makapu yatatu aya hini,* no mutuulo wa mwangashi amakapu yatatu aya hini. 41 Ukaletuula akana ka mpaanga akalenga bubili ilyo fye akasuba kawa.* Ukalekatuulila pamo ne ngano no mwangashi nge fyo ukalatuula ulucelo. Ukabe mutuulo wa kacena akasuma,* uyu mutuulo wa koca uwa kwa Yehova.

4 Akana ka mpaanga kamo akalume mukalakatuula ulucelo, e lyo kambi mukalakatuula ilyo fye akasuba kawa,*+ 5 mukalekatuulila pamo na oma imo* iya buunga bwapeleka ubo basaakanya na makapu* yatatu aya mafuta ya muolife ayasuma nga nshi. Uyu ukalaba mutuulo wa ngano.+ 6 Mutuulo wa koca uo mufwile ukulatuula lyonse,+ uo mwatendeke ukutuula pa Lupili lwa Sinai pa kuti uleba umutuulo wa pa mulilo uwa kuletela Yehova akacena akasuma,*