23 “Eba Aarone na bana bakwe abaume auti, ‘Ifi e fyo mulingile ukulapaala+ abena Israele. Mulebeba amuti:

24 “Shi Yehova amupaale+ kabili amucingilile.

25 Shi Yehova alenge icinso cakwe cimubalikile,+ kabili amupaale.

26 Shi Yehova abe ne cikuuku kuli imwe kabili amupeele umutende.”’+

27 Kabili bakalelumbula ishina lyandi pa kupaala abena Israele,+ pa kuti nkabapaale.”+

8 “Pali ilya inshita Yehova asalile umukowa wa kwa Lebi+ pa kuti ulesenda icipao ca cipangano ca kwa Yehova,+ kabili e o uleiminina pa cinso ca kwa Yehova, pa kuti ulemubombela kabili ulepaalila abantu mwi shina lyakwe+ nge fyo ucita ukufika na lelo.

5 “E lyo bashimapepo abena Lebi bakapalame, pantu e bo Yehova Lesa wenu asala pa kuti balemubombela+ kabili balepaalila abantu mwi shina lya kwa Yehova.+ E bafwile ukupingula+ imilandu yonse iikumine uo basanshile.

13 Abana ba kwa Amramu bali ni Aarone+ na Mose.+ Lelo Aarone na bana bakwe balibapaatwileko+ pa kuti balesangulula Umuputule wa Mushilo Nga Nshi, baletuulila Yehova amalambo, balemubombela kabili balepaalila abantu mwi shina lyakwe.+