12 “Onse uwauma umuntu ica kuti afwa no kufwa, na o wine balingile ukumwipaya.+ 13 Lelo nga ca kuti amwipaya mu kukanaishiba kabili Lesa wa cine aleka fye ukuti ici cicitike, ninshi nkamufwaila icifulo ukwa kufulumukila.+

42 Nga ca kuti umo aipaya umunankwe mu kukanaishiba, kabili tamupatile+ ilyo ashilamwipaya, alingile ukubutukila ku musumba umo pali iyi pa kuti bemwipaya.+

4 “Nomba ifi e fyo cifwile ukuba nga ca kuti uwaipaya umuntu abutukila kuli iyo imisumba pa kuti bemwipaya: Nga ca kuti aipaya umuntu munankwe mu kukanaishiba, lelo tamupatile+ ilyo ashilamwipaya; 5 nga ca kuti aya no munankwe mu mpanga mu kuteba inkuni, kabili aimya isembe pa kuti ateme icimuti, lelo isembe lyasokoka mu mupini kabili lyakoma umunankwe afwa no kufwa, uwamwipaya afwile ukufulumukila ku musumba umo pali iyi misumba pa kuti bemwipaya.+