17 “Pa nshita ya kukuusha itenti lya kukumaninamo,+ inkambi ya bena Lebi ikaleba pa kati ka nkambi shimbi.

“Filya fine inkambi shabo shikonkana, e fyo bakale-enda,+ cila muntu mu mukowa wakwe, ukulingana ne bumba lyabo ilya mikowa itatu.

23 Indupwa sha bena Gershone shapangiile inkambi ku numa ye tenti lya mushilo+ ku masamba.

29 Indupwa sha bana baume ba kwa Kohati shapangiile inkambi ku kapinda ka ku kulyo ake tenti lya mushilo.+

35 Suriele mwana Abihaili e wali intungulushi pa ba mu ng’anda ya kwa Merari. Bapangiile inkambi ku kapinda ka ku kuso ake tenti lya mushilo.+

38 Abalepangila inkambi ku ntanshi ye tenti lya mushilo ku kabanga, ni Mose na Aarone na bana bakwe abaume. Umulimo bakwete wa kusakamana icifulo ca mushilo, pa kuti balebombela abena Israele. Uushili wa mu lupwa lwa kwa Aarone uwapalamako afwile ukwipaiwa.+