17 Ulukuta lonse ulwa bena Israele lwafumine mu matololo ya Sini.+ Kabili ukulingana ne fyo Yehova alwebele,+ lwaleti lwafuma apa lwayaikala pambi, lwasuka lwayapanga inkambi pa Refidimu.+ Lelo tapaali amenshi ya kuti abantu balenwa.

11 Nomba mu mwaka walenga bubili, mu mweshi walenga bubili, pa bushiku bwalenga 20 ubwa uyu mweshi,+ e lyo ikumbi lyafumine pa muulu we tenti lya mushilo+ umwali icipao ca Cipangano. 12 E ico abena Israele batendeke ukufuma mu matololo ya Sinai, baleima mu mabumba mabumba ukulingana ne fyo babebele.+ Kabili ikumbi lyaileiminina mu matololo ya Parani.+ 13 Uyu e wali umuku wa kubalilapo baimine ukulingana ne fyo Yehova abebele ukupitila muli Mose.+