14 Lyena Mose atumine inkombe ukufuma mu Kadeshe ukuya ku mfumu ya Edomu+ kabili shaile-eba imfumu ashiti: “Munyinenwe Israele+ atila, ‘Mwalishiba bwino amacushi yonse ayo twapitamo.

17 Shi lekeni tupiteko mu calo cenu. Tatwakapite mu mabala yenu nangu ni mu mabala ya myangashi, kabili tatwakanwe amenshi ya mu fishima. Tukapita mu Musebo wa Mfumu, kabili tatwakapaasukile ku kwa kulyo nangu ku kwa kuso, mpaka tukafume mu calo cenu.’”+