39 E ico Eleasari shimapepo abuulile ifya kubikamo umulilo ifya mukuba, ifyo abapiile babomfeshe, kabili bapangilemo utumalata utwa kubika ku ciipailo, 40 nga filya fine Yehova amwebele ukupitila muli Mose. Ifi fyali no kulaibukishako abena Israele ukuti uushili wa mu lupwa lwa kwa Aarone tafwile ukupalama pa cinso ca kwa Yehova pa kuti oce ububani,+ kabili umuntu nangu umo tafwile ukuba nga Kora na baali ku lubali lwakwe.+

19 Lelo Lesa alipeye abaume abena Bete-shemeshe, pantu baletamba Icipao ca kwa Yehova. Aipeyepo abaume 50,070,* kabili abantu batendeke ukuloosha pantu Yehova alipeye abaume abengi nga nshi.+

16 Nomba ilyo akosele, aishileba ne cilumba ica kuti ali-iletelele. Alibembukile Yehova Lesa wakwe pantu aingile mwi tempele lya kwa Yehova pa kuti oce ububani pa ciipailo ca kocelapo ububani.+

18 Balileseshe imfumu Usia ukuti ileke ifyo yalecita, bayebele ati: “Te mulimo wenu mwe mfumu Usia ukocela Yehova ububani,+ mulimo wa bashimapepo pantu bena batuntuka muli Aarone,+ kabili balibasangulula. Fumeni mu ncende ya mushilo, pantu namubembuka kabili Yehova Lesa tamucindike pa fyo mucitile.”