14 Abena Israele babombeele Egelone imfumu ya ku Moabu pa myaka 18.+

6 Lelo abena Israele batendeke ukucita ifyabipa mu menso ya kwa Yehova na kabili.+ E ico Yehova abapeele mu minwe ya bena Midiani pa myaka 7.+ 2 Abena Midiani balecusha abena Israele.+ Pa mulandu wa bena Midiani, abena Israele baipangiile umwa kufisama* mu mpili, mu ncengo na mu ncende umo abantu bashingafika.+ 3 Abena Israele nga babyala imbuto, abena Midiani na bena Amaleke+ na bena Kabanga+ balebasansa. 4 Balepangila abena Israele inkambi pa kuti babasanse kabili baleonaula ifisabo fya mu calo cabo ukuyafika fye na ku Gasa. Tabalebashilamo ifya kulya nangu fimo nelyo fye ni mpaanga nelyo ing’ombe nangu ni mpunda.+ 5 Pantu baleisa ne fitekwa fyabo na matenti yabo, kabili baleba abengi kwati ni makanta.+ Bena ne ngamila shabo baleba iminshipendwa,+ kabili baleisa mu calo mu kuconaula.

27 Ifi fyalengele mwaleka abalwani babo balebacimfya+ kabili balebacululusha.+ Lelo ilyo balecula balelilila kuli imwe, na imwe mwaleumfwa ku muulu; kabili pa mulandu wa kuti mwalikwatisha uluse mwalebatumina aba kubapususha ku balwani babo.+