Watchtower LAIBRARE YA PA INTANETI

Watchtower LAIBRARE YA PA INTANETI

LAIBRARE YA PA INTANETI

1 Samwele 23:14

Baibo—Amalembo ya Calo Cipya
- 14 Davidi aikele mu matololo mu ncende ishafisama, mu citungu ca mpili mu matololo ya Sifi.+ Shauli alemufwayafwaya fye inshiku shonse,+ lelo Yehova tapeele Davidi mu minwe yakwe.

1 Samwele 23:19

Baibo—Amalembo ya Calo Cipya
- 19 Pa numa abena Sifi baile kuli Shauli ku Gibea+ kabili bamwebele abati: “Davidi abelama mupepi na ifwe+ ku ncende ishafisama mu Horesha,+ pa kapili ka Hakila,+ akabela ku kapinda ka ku kulyo* aka Yeshimone.*+

1 Samwele 23:24

Baibo—Amalembo ya Calo Cipya
- 24 E ico bashile Shauli batangilako ku Sifi,+ ninshi Davidi na baume abo ali nabo bali mu matololo ya Maone+ mu Araba+ ku kapinda ka ku kulyo aka Yeshimone.

Amalumbo 54:utulembo twa pa muulu-7

Baibo—Amalembo ya Calo Cipya
- Ku mukalamba wa bakemba; abalisha ifilimba fya nsale pa kwimba. Maskili.* Ulwimbo ulo Davidi aimbile ilyo abena Sifi baile-eba Shauli abati: “Davidi abelama mu calo cesu.”+
  
  54 Mwe Lesa, mpusushisheni kwi shina lyenu,+
  Kabili ku maka yenu ncingilileni.*+
  
  2 Mwe Lesa umfweni ipepo lyandi;+
  Kutikeni ifyo akanwa kandi kalelanda.
  
  3 Pantu abalwani banjimina,
  Kabili abankalwe balefwaya umweo wandi.+
  
  Tabatiina Lesa.*+ (Selah)
  
  4 Umfweni! Lesa e ungafwa;+
  Yehova ali na balentungilila.*
  
  5 Ifyabipa ifyo abalwani bandi bacita abantu bambi, akafibwesesha pali bena;+
  Balofyeni* pa mulandu wa kuti muli ba cishinka.+
  
  6 Nkaitemenwa ukumutuulila ilambo.+
  
  Nkalumbanya ishina lyenu mwe Yehova, pantu lisuma.+
  
  7 Pantu lyonse alampususha nga naba na mafya,+
  Kabili nkasekelela ilyo nkamona abalwani bandi bawa.+