Ulwimbo lwa kwa Asafi.+
50 Lesa uwacila tulesa tonse Yehova,+ nalanda;
Aleta isonde
Ukufuma ku kutula kwa kasuba ukufika ku kuwa kwa kako.
2 Lesa atuma ulubuuto lwakwe ukufuma mu Sione, umusumba uwayemba nga nshi.+
3 Lesa wesu akesa kabili te kuti ekale tondolo.+
Pa ntanshi yakwe paliba umulilo uonaula,+
Kabili umwela uukalamba ulamushinguluka ninshi ulepuupa.+
4 Aita imyulu ne sonde+
Pa kuti apingule abantu bakwe,+ atila:
5 “Longanikeni pa ntanshi yandi ababa ne cishinka kuli ine,
Abapangana icipangano na ine ukupitila mwi lambo.”+
6 Imyulu ilabila ubulungami bwakwe,
Pantu Lesa ni Kapingula.+ (Selah)
7 “Umfweni ifyo nalalanda mwe bantu bandi;
Nalakushinina we Israele.+
Nine Lesa, Lesa obe.+
8 Nshilekulungika pa mulandu wa malambo,
Nelyo pa mulandu wa mituulo ya koca iyo utuula kuli ine lyonse.+
9 Nshifwile ukufumya ing’ombe iilume mu ng’anda yobe,
Nangu ukufumya imbushi mu macinka yobe.+
10 Pantu inama shonse isha mu mpanga shandi,+
Ne nama ishaba mu mpili shonse na sho shandi.
11 Nalishiba ifyuni fyonse ifya mu mpili,+
Imintapendwa ya nama sha mu mpanga yandi.
12 Nga nali ne nsala, te kuti nkwebe;
Pantu isonde na fyonse ifyabapo fyandi.+
13 Bushe mfwile ukulya umunofu wa ng’ombe ishilume
No kunwa umulopa wa mbushi?+
14 Tuulila Lesa amalumbo,+ pa kuti yabe ilambo lyobe ilya kutasha
Kabili fikilisha imilapo yobe ku Wapulamo;+
15 Ulelilila kuli ine mu nshita ya bucushi.+
Nkakupususha kabili ukancindika.”+
16 Lelo Lesa akeba umubifi ati:
“Nani wa kupeela insambu sha kulanda fipope fyandi+
Nelyo pa cipangano candi?+
17 Pantu taufwaya ukukusalapula,
Kabili taukonka amashiwi yandi.+
18 Nga wamona kabolala, ulamusekelela,+
Kabili wangala na bacende.
19 Ubomfya akanwa kobe ku kusabankanya ifyabipa,
Kabili ubufi bwalambatila ku lulimi lobe.+
20 Ulekala na bantu bambi kabili ulalanda ifyabipa pali munonko;+
Ulasokolola ifilubo fya mwana mwaume wa kwa noko.
21 Ilyo wacitile ifi fyonse, naikele fye tondolo,
E ico wamwene ukutila kuti naba nga iwe.
Lelo nomba nalakulungika
Kabili nalakupeela umulandu.+
22 Tontonkanyeni pali ici mwe balaba Lesa,+
Pantu nga namusantaula, takwabe uwa kumupokololako.
23 Uutuula amalumbo kuli ine nge lambo alancindika,+
Kabili uucita icalungama,
Nkamulenga akamone ipusukilo.”+