• 2 Samwele 10:6
    Baibo—Amalembo ya Calo Cipya

    • 6 Mu kupita kwa nshita abena Amone bamwene ukuti Davidi alibapatile sana, e ico batumine aba kuyaobola abena Siria aba ku Bete-rehobu+ na bena Siria aba ku Soba.+ Baileobola abashilika 20,000 kabili baobwele ne mfumu ya ku Maaka+ iyali na baume 1,000, e lyo ku Ishtobu baobweleko abaume* 12,000.+

  • Amalumbo 60:utulembo twa pa muulu-12
    Baibo—Amalembo ya Calo Cipya

    • Ku mukalamba wa bakemba; pe Luba lya Kwibukishishako. Miktamu.* Ulwimbo lwa kwa Davidi. Ulwa kufunda. Ilyo alwile na Aramu-naharaimu na Aramu-Soba, kabili ilyo Yoabu abwelulwike no kwipaya abena Edomu 12,000 mu Mupokapoka wa Mucele.+

      60 Mwe Lesa, mwalitukeene; mwalitucimfishe.+

      Mwalitufuliilwe; nomba tusuminisheni tubwelele kuli imwe!

       2 Mwalengele isonde lyasunkana; mwalililepwile.

      Cilikeni imilale ya liko, pantu lilebongoloka.

       3 Mwalengele abantu benu balacula.

      Mwalengele twanwa umwangashi uulenga tuletalantanta.+

       4 Peeleni* abamutiina icishibilo

      Pa kuti babutuke no kuleuka ubuta. (Selah)

       5 Pa kuti abo mwatemwa bapusuke,

      Tupusushisheni ku kuboko kwenu ukwa ku kulyo kabili twasukeni.+

       6 Lesa wa mushilo nalanda* ati:

      “Nkasekelela ilyo nkapeela abantu bandi Shekemu pa kuti ikabe ubupyani bwabo,+

      Kabili nkakanya Umupokapoka* wa Sukote.+

       7 Gileadi yandi na Manase nayo yandi,+

      Kabili Efraimu cisote* candi ica ku mutwe;

      Yuda ni nkonto yandi iyaba nge nkonto ya kutungulwilako abantu.+

       8 Moabu e cipe candi ica kusambilamo.+

      Nkapoosa indyato shandi pali Edomu.+

      Nkasekelela nga nshi pantu nkacimfya Pelishiti.”+

       9 Nani akantwala ku musumba uo bashinga?*

      Nani akantungulula ukufika ku Edomu?+

      10 Bushe te imwe mwe Lesa mwe batukaana,

      Lesa wesu uwaleka ukuya na bashilika besu ku nkondo?+

      11 Twafweni ilyo tulecula,

      Pantu ukucetekela ukuti umuntunse kuti atupususha kuicusha fye.+

      12 Lesa akatupeela amaka,+

      Kabili akanyantaula abalwani besu.+