22 Lyena Lesa wa cine aebele Shemaya+ umuntu wa kwa Lesa wa cine ati: 23 “Eba Rehoboamu umwana wa kwa Solomone imfumu ya kwa Yuda na bonse aba mu ng’anda ya kwa Yuda na ba mu ng’anda ya kwa Benjamini na bantu abashala auti, 24 ‘Yehova alanda ati: “Tamulingile ukuyalwisha bamunyinenwe abena Israele. Cila muntu abwelele ku ng’anda yakwe, pantu nine nengele ukuti ifi ficitike.”’”+ E ico balyumfwile ifyo Yehova abebele, kabili balibweleele ku mayanda yabo nga fintu Yehova abebele.