27 Abakonkele pali bena, bena Tekoa.+ Bawemye iciputulwa cimbi ica cibumba, ukufuma pa ntanshi iya lupungu ulwapulilemo ukuyafika kwi linga lya Ofele.

1 Aya mashiwi ya kwa Amose* uwali pa baleteka impaanga ku Tekoa.+ Aya mashiwi yali mu cimonwa ico amwene pali Israele mu nshiku sha kwa Usia imfumu+ ya baYuda, na mu nshiku sha kwa Yeroboamu+ umwana wa kwa Yoashi,+ imfumu ya bena Israele. Ici cimonwa acimwene imyaka ibili ilyo kushilaba icinkukuma.+