2 Kwali ubushiku na bumbi ilyo abana baume ba kwa Lesa wa cine*+ baileiminina pa ntanshi ya kwa Yehova,+ kabili Satana na o aileiminina pamo nabo pa ntanshi ya kwa Yehova.+

2 Lyena Yehova aipwishe Satana ati: “Wafuma kwi?” Satana ayaswike Yehova ati: “Nafuma mu kwendauka pe sonde, mu kumona ifyabapo.”+ 3 E lyo Yehova aebele Satana ati: “Bushe naumona* umubomfi wandi Yobo? Takwaba uwaba nga ena pe sonde, mulungami, wa kaele,*+ alatiina Lesa kabili tafwaya ukucita ifyabipa. Acili wa kaele+ nangu ca kuti ulefwaya imwipaye*+ apabula umulandu.”