Watchtower LAIBRARE YA PA INTANETI

Watchtower LAIBRARE YA PA INTANETI

LAIBRARE YA PA INTANETI

1 Samwele 22:1

Baibo—Amalembo ya Calo Cipya
- 22 E ico Davidi afumine kulya+ aya ku lucengo lwa Adulamu.+ Ilyo bamunyina na ba mu ng’anda ya kwa wishi bonse baumfwile, balimukonkele uko kwine.

1 Samwele 24:3

Baibo—Amalembo ya Calo Cipya
- 3 Shauli afikile ku macinka ya mpaanga aya mabwe ayali mu nshila, ukwali ulucengo. Shauli aingile mu lucengo pa kuti ayafwilishe,* ninshi Davidi na baume abo ali nabo nabekala mu kati sana ka ulu lwine ulucengo.+

Amalumbo 142:utulembo twa pa muulu-7

Baibo—Amalembo ya Calo Cipya
- Maskili.* Ipepo Davidi apepele ilyo ali mu lucengo.+
  
  142 Ndilila kuli Yehova ukuti angafwe;+
  Ndapaapaata Yehova ukuti ang’umfwile uluse.
  
  2 Ndamupongolwela ifinsakamika;
  Ndamulondolwela amafya nkwata.+
  3 Umupashi nga wapwa* muli ine,
  
  Mulalinda inshila yandi.+
  
  Mu nshila umo nyenda,
  Balateyamo iciteyo pa kuti cinjikate.
  
  4 Lolesheni ku kuboko kwandi ukwa ku kulyo
  Kabili mwalamona ukuti takwaba nangu umo uunsakamana.+
  
  Takuli uko ningabutukila;+
  Takwaba uumbikako amano.*
  
  5 Ndilila kuli imwe mwe Yehova ukuti mungafwe.
  
  Ntila: “Nimwe cubo candi,+
  Nimwe fye nakwata* mu calo ca ba mweo.”
  
  6 Umfweni ifyo ndelilila kuli imwe ukuti mungafwe,
  Pantu ndi no bwafya ubukalamba.
  
  Mpokololeni ku bancusha,+
  Pantu balikosa ukuncila.
  
  7 Mfumyeni* mu cifungo
  Pa kuti inumbanye ishina lyenu.
  
  Abalungama nabanshinguluke
  Pantu mwaliba ne cikuuku kuli ine.