• Ukufuma 15:9, 10
    Baibo—Amalembo ya Calo Cipya

    •  9 Umulwani acitila: ‘Ndebakonka! Ndebasanga!

      Ndeakanya ifyo nalapokolola mpaka umutima* wandi wikale!

      Ndesomona ulupanga lwandi! Ukuboko kwandi kwalabalofya!’+

      10 Ilyo mwacipuuta umupu wenu, bemba acibafimba;+

      Baciibila ngo mutofwe muli bemba umukalamba.

  • 1 Samwele 2:3
    Baibo—Amalembo ya Calo Cipya

    •  3 Lekeni ukulanda amashiwi ya kuitutumuna;

      Mwileka mu tunwa twenu mufume amashiwi ya matutumuko,

      Pantu Yehova, ni Lesa uwaishiba fyonse,+

      Kabili e wishiba fyonse ifyo abantu bacita nampo nga fisuma nelyo fibi.

  • Esekiele 28:2
    Baibo—Amalembo ya Calo Cipya

    • 2 “We mwana wa muntu, eba intungulushi ya ku Turi auti, ‘Shikulu Mulopwe Yehova atila:

      “Apo umutima obe wa cilumba,+ kabili utila, ‘Nine lesa.

      Naikala pa cipuna ca bufumu ica kwa lesa pa kati na nkati ka bemba.’+

      Lelo uli muntunse fye, te iwe lesa,

      Nangu ca kuti mu mutima obe umfwa kwati niwe lesa.