39 Lyena Farao aebele Yosefe ati: “Apo Lesa nalenga wishibe fyonse ifi, takuli umbi uwiluka kabili uwaba na mano nga iwe. 40 Niwe wine walaba umukalamba pa ng’anda yandi, kabili abantu bandi bonse bakulakunakila muli fyonse.+ Nine fye nkaba umukalamba pali iwe pantu ndi mfumu.” 41 Kabili Farao aebele Yosefe ati: “Mona, ndekusonta ukuba umukalamba pa calo conse ica Egupti.”+

48 Kabili alelonganya ifya kulya fyonse mu myaka 7 mu calo ca Egupti, kabili aletutila ifya kulya mu misumba. Muli cila musumba aletutilamo ifya kulya ifyo alefumya mu mabala ayali mupepi.

8 Kanshi te imwe mwantumine kuno, lelo ni Lesa wa cine, pa kuti ansonte ukuba mpanda mano* wa kwa Farao kabili shikulu wa ba mu ng’anda yakwe yonse kabili kateka wa calo conse ica Egupti.+