31 Ifi te fyo mulingile ukulapepa Yehova Lesa wenu, pantu ifya bunani ifyo ishi inko shicita pa kupepa balesa ba shiko, Yehova Lesa wenu alifipata. Shiloca na bana ba shiko abaume na bana ba shiko abanakashi pa kubatuula kuli balesa ba shiko.+

16 Mu mwaka walenga 17 ukutula apo Peka umwana wa kwa Remalia atendekeele ukuteka, e mo Ahasi+ umwana wa kwa Yotamu imfumu ya mu Yuda aishileba imfumu.

3 Lelo alecita ifyabipa ifyo imfumu sha mu Israele shalecita,+ alyocele fye no mwana wakwe.*+ Ifi ifya bunani acitile, e fyo ne nko isho Yehova atamfiisheko abena Israele shalecita.+

17 Baleoca na bana babo abaume na bana babo abanakashi,*+ balebuka+ kabili baleya ku basobela ifya ku ntanshi. Balecita ifyabipa mu menso ya kwa Yehova pa kuti balemukalifya.

18 E ico Yehova afuliilwe sana abena Israele ica kuti abafumishe ku cinso cakwe.+ Ashiileko fye aba mu mukowa wa kwa Yuda.

30 ‘Pantu abantu ba mu Yuda nabacita ifyabipa mu menso yandi,’ e fyo Yehova alanda. ‘Nababika ifilubi fya bunani mu ng’anda iyainikwa ishina lyandi, pa kuti baikoweshe.+ 31 Balikuula ififulo fya kupepelapo mu Tofete, iyaba mu Mupokapoka wa Mwana wa kwa Hinomu,*+ pa kuti baleocelapo abana babo abaume na bana babo abanakashi mu mulilo,+ icintu ico nshabebele kabili icishatalile acisa mu mutima wandi.’*+

20 Awe; ndetila amalambo ayo abena fyalo batuula, batuulila ifibanda, te Lesa iyo;+ nomba nshilefwaya imwe muleampana ne fibanda.+