Watchtower LAIBRARE YA PA INTANETI

Watchtower LAIBRARE YA PA INTANETI

LAIBRARE YA PA INTANETI

Nehemia 4:4

Baibo—Amalembo ya Calo Cipya
- 4 E ico napepele nati: Mwe Lesa wesu, umfweni ifyo baletupontela.+ Bwesesheni iyi miponto pa mitwe yabo+ kabili muleke babasende bunkole ku balwani babo ku calo cimbi.

Nehemia 6:15, 16

Baibo—Amalembo ya Calo Cipya
- 15 E ico twapwishishe ukukuula ilinga mu nshiku 52 pa bushiku bwalenga 25 ubwa mweshi wa Eluli.*
  
  16 Ilyo abalwani besu bonse baumfwile fye ukuti natupwisha ukukuula ilinga, kabili ilyo inko shonse ishali mupepi shamwene ilinga, baliseebene nga nshi+ kabili balilwike ukuti Lesa wesu e watwafwile pa kuti tupwishe ukukuula ilinga.

Estere 6:13

Baibo—Amalembo ya Calo Cipya
- 13 Ilyo Hamani ashimikiile Sereshe+ umukashi wakwe na banankwe bonse ifyamucitikile, impanda mano shakwe na Sereshe umukashi wakwe bamwebele abati: “Nga ca kuti Mordekai uwatendeka ukukucimfya muYuda,* ninshi tawakamucimfye, lelo e ukakucimfya.”

Estere 9:5

Baibo—Amalembo ya Calo Cipya
- 5 AbaYuda balicimfishe abalwani babo bonse, balibepeye ku lupanga kabili balibalofeshe. Balicitile fyonse ifyo balingile ukucita pa kuti balwishe abalwani babo.+

Amalumbo 137:7

Baibo—Amalembo ya Calo Cipya
- 7 Ibukisheni mwe Yehova,
  Ifyo abena Edomu balandile pa bushiku Yerusalemu baibongolwele.
  
  Batile: “Ibongololeni! Ibongololeni mufishe na pa mufula!+

Sekaria 12:3

Baibo—Amalembo ya Calo Cipya
- 3 Muli bulya bushiku nkalenga Yerusalemu ikabe icilibwe icafina* mu nko. Abantu bonse abakacimya bakaicena sana;+ kabili inko sha mwi sonde lyonse shikalongana no kwimina uyu musumba.+