20 Ilyo line fye Mose na Aarone bacitile ifyo Yehova abebele. Aarone aimishe inkonto no kuuma pa menshi ya mu Mumana wa Naelo ninshi Farao na babomfi bakwe balemonako, kabili amenshi yonse aya mu mumana ya-alwike umulopa.+

6 E ico Aarone atambalike ukuboko kwakwe pa menshi ya mu Egupti, kabili bacula batendeke ukufuma, balakupa ne calo ca Egupti.

17 Kabili ifi fine e fyo bacitile. Aarone aumine inkonto yakwe pa mushili, kabili ifisumi fyaishile pa bantu na pa nama. Ulukungu lonse ulwa pa mushili lwasangwike ifisumi mu calo ca Egupti conse.+

6 Awe Yehova acitile ifi ubushiku bwakonkelepo, kabili ifitekwa fyonse ifya bena Egupti fyatendeke ukufwa,+ lelo pa fitekwa fya bena Israele tapafwile nangu cimo.

10 E ico babuulile imile ya mu cibili no kuyaiminina pa cinso ca kwa Farao, e lyo Mose aipoosa mu muulu, kabili yalengele ifipute fyatumba abantu ne nama.

23 E ico Mose asontele inkonto yakwe mu muulu, kabili Yehova atumine inkuba, imfula ya mabwe, no mulilo* walepona panshi, kabili Yehova atwalilile ukulosha imfula ya mabwe pa calo ca Egupti.

12 Yehova nomba aebele Mose ati: “Tambalika ukuboko kobe pa calo ca Egupti pa kuti makanta ise pa calo ca Egupti no kulya ifimenwa fyonse pa calo, fyonse ifyo imfula ya mabwe ishaonawile.”

21 Lyena Yehova aebele Mose ati: “Imisha ukuboko kobe mu muulu pa kuti pa calo ca Egupti pabe imfifi, imfifi iyafiita fititi.”