• 2 Imilandu 28:20, 21
    Baibo—Amalembo ya Calo Cipya

    • 20 Tilgati-pilnesere+ imfumu ya ku Asiria asukile aisa mu kulwisha Ahasi kabili alimucushishe,+ mu cifulo ca kumukoselesha. 21 Pantu Ahasi abuulile ifipe fyonse ifya mu ng’anda ya kwa Yehova, ifya mu ng’anda ya mfumu*+ ne ya bacilolo kabili apeele imfumu ya ku Asiria, lelo ifi acitile tafyamwafwile.

  • Hosea 5:13
    Baibo—Amalembo ya Calo Cipya

    • 13 Ilyo Efraimu amwene ubulwele bwakwe, na Yuda amona icilonda cakwe,

      Efraimu aile ku Asiria+ kabili atumine inkombe ku mfumu nkalamba.

      Lelo yalifililwe ukumundapa,

      Kabili yalifililwe ukundapa icilonda cenu.