24 Ilyo baingile mu nkambi ya bena Israele, abena Israele balimine batampa ukubepaya kabili baile baleipaya abena Moabu abafulumwike.+ Bakonkenyepo fye ukubepaya mpaka baingila mu Moabu. 25 Balyonawile imisumba kabili abashilika bonse balepoosa amabwe mu mpanga shonse ishisuma ica kuti mwali fye amabwe yeka yeka. Balicilike utumfukumfuku twa menshi tonse+ kabili balitemene ifimuti fyonse ifisuma.+ Bashileko fye ifibumba fya musumba wa Kiri-haresete+ kabili abashilika abalesukusa amabwe balishingulwike umusumba, baipaya na bantu abalimo.