25 Ilyo batendeke fye ukwikala mulya, tabaletiina* Yehova. E ico Yehova abatumiine inkalamo,+ kabili shalipeyepo bamo. 26 Kwali abaile-eba imfumu ya Asiria abati: “Abantu abo mwasendele mu kuyaba bankole, abo mwatwele mu misumba ya Samaria tabaishiba imipepele* ya kwa Lesa wa cilya calo. E ico Lesa wa cilya calo alabatumina inkalamo kabili shilabepaya, pantu pali bena tapaba uwaishiba imipepele ya kwa Lesa wa cilya calo.”