• Esaya 6:11, 12
    Baibo—Amalembo ya Calo Cipya

    • 11 E lyo nalandile nati: “Kufika lilali, mwe Yehova?” Na o anjebele ati:

      “Mpaka imisumba ikabongoloke ica kuti tamwakabe aba kwikalamo,

      Kabili mu mayanda tamwakabe abantu abakalaikalamo,

      Ne calo cikonaike kabili cikabe icibolya;+

      12 Mpaka Yehova akatamfishe abantu ukutali,+

      Kabili icalo cikonaike sana.

  • Yeremia 26:18
    Baibo—Amalembo ya Calo Cipya

    • 18 “Mika+ uwa ku Moreshete alesesema mu nshiku imfumu Hisekia+ iya mu Yuda yaleteka kabili ale-eba abaYuda bonse ati, ‘Yehova wa mabumba alanda ati:

      “Mu Sione bakalimaulamo kwati ni mwi bala,

      Yerusalemu ikashala imiina ya fitantaala,+

      Kabili ulupili lwa Ng’anda* lukaba nge fifulo fya kupepelapo ifya mu mutengo.”’*+

  • Esekiele 36:4
    Baibo—Amalembo ya Calo Cipya

    • 4 mwe mpili sha kwa Israele, umfweni ifyo Shikulu Mulopwe Yehova alanda! Shikulu Mulopwe Yehova ale-eba impili no tupili, imilonga, imipokapoka, incende ishashala ifibolya+ ne misumba umushaba abantu iyo abapuswike mu nko ishabashingulwike bapoka ifipe kabili iyo bapumya;+