• 2 Imilandu 32:1
    Baibo—Amalembo ya Calo Cipya

    • 32 Ilyo Hisekia abombele iyi milimo yonse ne cishinka,+ Imfumu Sankeribu iya ku Asiria yaishile mu kusansa Yuda. Yashingile ne misumba yonse iya malinga pantu yalefwaisha ukubongolola ifibumba pa kuti ipoke iyi misumba.+

  • Esaya 8:7, 8
    Baibo—Amalembo ya Calo Cipya

    •  7 E ico mona! Yehova akaleta pali bena

      Amenshi aya maka kabili ayengi aya mu Mumana,*

      Imfumu ya bena Asiria+ no bucindami bwa iko bonse.

      Ikeshila pa milonga ya iko yonse

      Kabili ikapoosa mu lulamba lwa iko lonse

       8 No kupita mu calo conse ica Yuda.

      Akaba nge lyeshi ilikapita mu calo, likafika mu mukoshi;+

      Kabili amapindo yakwe ayafungululwa yakakumana mu bwipi bwa calo cobe,

      We Imanuele!”*+

  • Esaya 10:28-32
    Baibo—Amalembo ya Calo Cipya

    • 28 Nabesa ku Ayati;+

      Nabapita mu Migrone;

      Bashile ifipe fyabo pa Mikmashi.+

      29 Bayabukila umumana apashashika;

      Balaala mu Geba;+

      Abena Rama batutuma, abekala mu musumba wa Gibea+ uwa kwa Shauli babutuka.+

      30 Punda mutuule we mwana mwanakashi Galimu!

      Bikako amano Laisha!

      We bulanda kuli Anatote!+

      31 Abekala mu Mademena nababutuka.

      Abekala mu Gebimu nabafwaya umwa kubelama.

      32 Pali ubu bwine bushiku akeminina mu Nobu.+

      Alemena ikofi ulupili lwa mwana mwanakashi Sione,

      Akapili ka mu Yerusalemu.