4 “Cila muntu acenjele no munankwe,

Nangu fye ni munyinenwe tamufwile ukumucetekela.

Pantu munyinenwe onse kuti amupondokela,+

Kabili umunenu onse wa lwambo.+

 5 Cila muntu alabepa umunankwe,

Kabili takwaba nangu umo uulanda icine.

 2 Nomba mwalipata ifisuma,+ lelo mwatemwa ifyabipa;+

Mulafunda inkanda ya bantu bandi, kabili mulafumya iminofu ku mafupa yabo.+

 3 Mulalya no munofu wa bantu bandi+

Kabili mulafunda inkanda yabo,

Mulatobaula amafupa yabo, ica kuti yashala fye tupimfya tupimfya,+

Kwati mafupa ne nama ifyo baleipika mu mpoto.*