5 “Bwelelamo, kebe Hisekia intungulushi ya bantu bandi auti, ‘Yehova Lesa wa kwa Davidi icikolwe cobe atila: “Ning’umfwa ipepo lyobe. Nimona ifilamba fyobe.+ Mona, nalakundapa.+ Ukaya ku ng’anda ya kwa Yehova+ pa bushiku bwalenga shitatu.

12 Pali ilya nshita Berodaki-baladani imfumu ya Babiloni, umwana wa kwa Baladani atumine aba kutwalila Hisekia amakalata no bupe, pantu alyumfwile ukuti Hisekia alilwele.+ 13 Hisekia alibapokelele* kabili alibalangile ing’anda umo asungiile icuma,+ e kutila silfere, golde, amafuta ya balsamu na mafuta yambi ayasuma. Alibalangile no mo alesungila ifyanso fyakwe na fyonse ifyali mu fipao. Takwali nangu cimo ico Hisekia ashabalangile mu ng’anda* yakwe na mu bufumu bwakwe bonse.