18 Abana baleteba inkuni, bashibo balekosha umulilo, e lyo abakashi balekasa umufuba pa kuti bapange amakeke ya kutuulila Namfumu wa mu Muulu,*+ kabili baleitulwila tulesa tumbi umutuulo wa mwangashi pa kuti bankalifye.+

13 Kabili amayanda ya mu Yerusalemu na ya mfumu sha mu Yuda yakakowela nga Tofete,+ pantu pa mitenge ya yako e po baletuulila amalambo ku fya mu muulu fyonse+ kabili e po baleitulwila imituulo ya myangashi kuli balesa bambi.’”+

25 Yehova wa mabumba, Lesa wa kwa Israele alanda ati, ‘Ifyo imwe na bakashi benu mulandile namufifikilisha ku minwe yenu, pantu mwalandile amuti: “Nangu cibe shani tukafikilisha imilapo yesu iya kutuulila ‘Namfumu wa mu Muulu’* amalambo no kumwitulwila imituulo ya mwangashi.”+ Imwe mwe banakashi, nangu cibe shani mukafikilisha ifyo mwalapa kabili mukacita ukulingana ne fyo mwalapa.’