2 “Nga washita umuHebere+ pa kuti abe umusha, akabe umusha pa myaka 6, lelo mu mwaka uwalenga 7 akalubuke ukwabula ukulipilapo nangu kamo.+

10 Umwaka walenga 50 mwaka wa mushilo, kabili mukalebilisha ku baikala mu calo conse+ ukuti uyu mwaka wa kulubuka. Ukaba mwaka wa Buntungwa kuli imwe, kabili umuntu onse akabwelele ku mpanga yakwe kabili umuntu onse akabwelele ku lupwa lwakwe.+

39 “‘Umwina Israele munenu uwikala mupepi na imwe nga aba umupiina kabili aishitisha kuli imwe,+ tamufwile ukulamubomfya kwati musha.+ 40 Mukalemumona ngo mubomfi uubombela amalipilo,+ ngo mulebeshi. Akamubombele mpaka umwaka wa Buntungwa ukafike. 41 Lyena akaleka ukumubombela, ena na bana bakwe,* bakabwelela ku lupwa lwabo. Balingile ukubwelela ku mpanga ya fikolwe fyabo.+ 42 Pantu bena basha bandi abo nafumishe mu calo ca Egupti.+ Tabafwile ukuishitisha nge fyo bashitisha umusha.

12 “Nga ca kuti washita munonko umuHebere umwaume nelyo umwanakashi, kabili akubombela pa myaka 6, mu mwaka walenga 7 ulingile ukumuleka akabe umuntungwa.+