16 Yohanani umwana wa kwa Karea na bakalamba bonse aba bashilika abo ali nabo, basendele abantu abashelepo abo bapokolwele kuli Ishmaele umwana wa kwa Netania uwabafumishe mu Mispa, pa numa ya kwipaya Gedalia+ umwana wa kwa Ahikamu. Basendele abaume, abashilika, abanakashi, abana na balebombela kwi sano, ukubafumya mu Gibeone.

42 Lyena abakalamba bonse aba bashilika na Yohanani+ umwana wa kwa Karea, Yesania umwana wa kwa Hoshaya na bantu bonse, ukutendekela ku bantu yaweyawe ukufika kuli bashimucindikwa, balipaleme. 2 Kabili baebele kasesema Yeremia abati: “Umfwa ukupaapaata kwesu, kabili tupepeleko kuli Yehova Lesa obe. Upepeleko abashalapo bonse aba, pantu twali abengi nomba tushele fye abanono,+ nga fintu ulemona. 3 Yehova Lesa obe natwebe inshila iyo tufwile ukwendamo ne fyo tufwile ukucita.”