• Yeremia 6:13, 14
    Baibo—Amalembo ya Calo Cipya

    • 13 “Pantu abantu yaweyawe bonse na bashimucindikwa, balenonka ifyuma mu bucenjeshi;+

      Bakasesema na bashimapepo, bonse balecita ubucenjeshi.+

      14 Kabili balesha ukuposha ifilonda fya bantu bandi ninshi tababikileko amano, balanda abati,

      ‘Kuli umutende! ‘Kuli umutende!’

      E lyo ninshi takuli umutende.+

  • Yeremia 14:13
    Baibo—Amalembo ya Calo Cipya

    • 13 E lyo nalandile nati: “Iye, mwe Shikulu Mulopwe Yehova! Bakasesema bale-eba abantu abati, ‘Tamwakamone ulupanga kabili icipowe tacakese pali imwe, lelo nkalenga mukabe no mutende wa cine muli cino cifulo.’”+

  • Yeremia 23:16, 17
    Baibo—Amalembo ya Calo Cipya

    • 16 Yehova wa mabumba alanda ati:

      “Mwilaumfwa ifilelanda bakasesema abalesesema kuli imwe.+

      Balemulufya fye.*

      Ifimonwa ifyo balandapo fya mu mitima yabo,+

      Tafifuma kuli Yehova.+

      17 Pa miku iingi beba abansaalula abati,

      ‘Yehova alanda ati: “Mukaba no mutende.”’+

      Kabili beba onse uukonkelela umutima wakwe uushumfwa ati,

      ‘Takuli icabipa nangu cimo icikakucitikila.’+