26 E ico babweleele kuli Mose na Aarone na ku lukuta lonse ulwa bena Israele mu mpanga ya Parani, ku Kadeshe.+ Baletele ilyashi ku lukuta lonse kabili balangile ulukuta ifisabo fya muli cilya calo. 27 Bashimikile Mose abati: “Twaileingila mu calo ico mwatutumineko, kabili cine cine, calo umwaba umukaka no buci,+ kabili ifi e fisabo fya ciko.+

10 “Ilyo Yehova Lesa wenu akamwingisha mu calo ico alaile ifikolwe fyenu, Abrahamu, Isaki na Yakobo ukuti akamupeela,+ imisumba iikalamba kabili iisuma iyo mushakuulile,+ 11 amayanda umwaba ifintu ifisuma ifingi ifya misango yonse ifyo mushabombeele, ifya kusungilamo amenshi ifyo mushaimbile ne fimuti fya myangashi ne fya miolife ifyo mushalimbile, kabili mwalya no kwikuta mwaikuta,+

7 Pantu Yehova Lesa wenu alemwingisha mu calo icisuma,+ umwaba imimana no tumfukumfuku utufukaukila mu mpanga iyabatama na mu mpili, 8 umwaba ingano na barle, imyangashi, imikunyu ne mipomegranate,+ icalo umwaba imiolife iya kupangamo amafuta kabili umwaba ubuci.+ 9 Muli ici icalo tamwakaleba icipowe, mwaba amabwe ya cela kabili mu mpili sha ciko mukalaimbamo umukuba.