9 “‘Lelo pa bushiku bwe Sabata+ mukaletuula utwana twa mpaanga tubili utulume utwa myaka ibili kabili utwabula akalema, e lyo no mutuulo wa ngano uwa buunga bwapeleka ubwa mu ndupe shibili ubo basaakanya na mafuta. Mukalefituulila pamo no mutuulo wa mwangashi. 10 Uyu ukalaba mutuulo wa koca uwa pe Sabata uo mukalatuulila pamo no mutuulo wa koca uo mukalatuula lyonse pamo no mutuulo wa uko uwa mwangashi.+

17 Lelo intungulushi e ikalasakamana imituulo ya koca,+ imituulo ya ngano,+ ne mituulo ya mwangashi ilyo kuli imitebeto,+ ilyo kuli ukusefya umweshi uupya, ilyo balesunga Amasabata,+ na lintu kuli imitebeto yonse iyo aba mu ng’anda ya kwa Israele basefya.+ E ikalatwala umutuulo wa pa lubembu, umutuulo wa ngano, umutuulo wa koca ne mituulo ya mu mutende, pa kuti imembu sha ba mu ng’anda ya kwa Israele shilefutwa.’