• 2 Imilandu 28:18
    Baibo—Amalembo ya Calo Cipya

    • 18 AbaPelishiti+ nabo balisanshile abantu abaleikala mu misumba ya Shefela+ na Negebu mu Yuda, kabili balipokele Bete-shemeshe,+ Ayalone,+ Gederote, Soko ne misumba ya iko iinono, Timuna+ ne misumba ya iko iinono na Gimso ne misumba ya iko iinono; kabili e mo batendeke ukwikala.

  • Esaya 9:11, 12
    Baibo—Amalembo ya Calo Cipya

    • 11 Yehova akemisha Resini abalwani bakwe

      Kabili akalenga bakamusanse.

      12 Abena Siria bakafuma ku kabanga e lyo abaPelishiti bakafuma ku masamba,*+

      Bakaasamuna utunwa+ twabo pa kulya abena Israele.

      Pa mulandu wa ifi fyonse, ubukali bwakwe tabwapwa,

      Lelo acili alitambalika ukuboko pa kuti abome.+

  • Esaya 14:29
    Baibo—Amalembo ya Calo Cipya

    • 29 “Wisekelela we calo ca Pelishiti na bonse abekalamo,

      Pa mulandu fye wa kuti inkonto ya ulekuuma naikontoka.

      Pantu mu mani* ya nsoka+ mukafuma insoka ya busungu,+

      Kabili abana ba iko bakaba ni nsoka iipupuka kabili iifumya umulilo.*

  • Yoele 3:4-6
    Baibo—Amalembo ya Calo Cipya

    •  4 Kabili finshi namulufyanya,

      Mwe bena Turi na bena Sidone na imwe mwe bekala mu fitungu fya baPelishiti?

      Cinshi muncitila ifi apabula umulandu?

      Nga muncita ifi apabula umulandu,

      Nkangufyanya sana ukumukanda.+

       5 Pantu mwalisenda silfere yandi na golde+ yandi,

      Kabili ifyuma fyandi ifyawamisha mwafibika mu matempele yenu;

       6 Kabili mwalishitisha abantu ba mu Yuda na ba mu Yerusalemu ku baGriki,+

      Pa kuti mubatalushe ku calo cabo;