9 ndeita indupwa shonse isha ku kapinda ka ku kuso,”+ e fyo Yehova alanda, “ndeita imfumu Nebukadnesari* iya ku Babiloni, umubomfi wandi,+ kabili nkalenga bakalwishe ici calo na bekalamo+ ne nko shonse isha bashinguluka.+ Nkonaula icalo na bantu, kabili nkalenga fikabe ica kutiinya, ica kulishisha umunsoli, kabili fikonaulwa umuyayaya.

18 “We mwana wa muntu, Imfumu Nebukadnesari*+ iya ku Babiloni, yalengele abashilika ba iko babomba umulimo uukalamba uwa kulwisha Turi.+ Imitwe yabo yonse yasebeke amapala, na mabeya yabo yonse yalisukwilwe. Lelo yena na bashilika ba iko tabapokele amalipilo pa fyo babombeshe pa kuti balwishe Turi.