11 Mwe Yehova muli bakulu,+ muli ba maka,+ muli basuma, mwalisansabikwa kabili mwalicindama,+ pantu fyonse ifya mu muulu ne fya pano isonde fyenu.+ Ubufumu bwenu, mwe Yehova.+ Mwali-isumbula ukucila bonse.

17 Abalelinda+ e babikileko ici icipope, kabili uwa mushilo e ulandile aya amashiwi, pa kuti aba mweo beshibe ukuti Uwapulamo e Kateka mu bufumu bwa bantunse+ no kuti abupeela ku o atemenwe, kabili abikapo uwacepesha pa bantunse.”

34 “Ilyo ishi nshita shapwile,+ ine ne Nebukadnesari, nainwinine amenso yandi ku muulu, e lyo amano yandi yabweleele muli ine; kabili nacindike Uwapulamo, nalumbenye no kucindika Uwabako umuyayaya, pantu imitekele yakwe ya muyayaya no bufumu bwakwe bwabako ku nkulo ne nkulo.+

10 Naumfwile ishiwi ilikalamba mu muulu lileti:

“Nomba ipusukilo,+ amaka, Ubufumu bwa kwa Lesa wesu,+ na maka ya kwa Kristu wakwe fyaisa, pantu uubepesha bamunyinefwe nabamupoosa panshi, uubabepesha akasuba no bushiku pa cinso ca kwa Lesa wesu!+