96 Imbileni Yehova ulwimbo ulupya.+
Imbileni Yehova mwe bantu bonse aba pano isonde!+
2 Imbileni Yehova; lumbanyeni ishina lyakwe.
Cila bushiku mulebila imbila nsuma pa fyo apususha abantu bakwe.+
3 Bilisheni ubukata bwakwe mu nko,
Bilisheni ifipesha amano ifyo acitila abantu bonse.+
4 Yehova mukulu kabili alilinga ukumulumbanya nga nshi.
Alilinga ukumutiina ukucila tulesa tonse.
5 Tulesa twa nko tonse, twa fye,+
Lelo Yehova e wapangile imyulu.+
6 Uko ekala kwalicindama kabili kusuma;+
Amaka no kuyemba fyaba mu cifulo cakwe ica mushilo.+
7 Peeleni Yehova ifyo alinga ukumupeela mwe ndupwa sha bantu bonse,
Peeleni Yehova ifyo alinga ukumupeela, pa mulandu wa bukata bwakwe na maka.+
8 Peeleni Yehova ubukata ubwalinga ishina lyakwe;+
Leteni ubupe, mwingile mu mansa shakwe.
9 Kontamineni Yehova ninshi namufwala ifya kufwala fya mushilo;
Mwe ba mwi sonde bonse tutumeni pa mulandu wakwe.
10 Bilisheni mu nko amuti: “Yehova naba Imfumu!+
Alipampamika isonde, te kuti litelentenshiwe.
Akaba no mulinganya ilyo akalapingula abantu.+
11 Lekeni imyulu isansamuke, ne sonde lisekelele;
Lekeni bemba na fyonse ifyabamo fimulumbanye;+
12 Lekeni impanga na fyonse ifyabamo fisekelele.+
Pa nshita imo ine lekeni ifimuti fya mu mpanga na fyo fisekelele+
13 Pa ntanshi ya kwa Yehova. Pantu aleisa,
Aleisa mu kupingula isonde.
Akapingula bonse aba pano isonde mu bulungami+
Kabili akapingula abantu bonse mu cishinka.+