ULWIMBO LWA NYIMBO

 2 “Shi lekeni amfyompe ne milomo yakwe,

Pantu icitemwiko cobe caliwama ukucila umwangashi.+

 5 “Ndi mukashana umufiishi,* lelo naliyemba, mwe bana banakashi ba mu Yerusalemu,

Naba nga matenti ya ku Kedari,+ kabili nge nsalu sha kwi tenti+ lya kwa Solomone.

 6 Mwimona fino nafiitulukila,

Akasuba e kangoca.

Bandume yandi balimfuliilwe;

Bampeele umulimo wa kulinda amabala ya myangashi,

Lelo ibala lyandi ne mwine nshalilindile.

 7 “Njeba uko ucemena impaanga+

We o natemwa sana,

Uko ushitwala ku kutuusha akasuba nga kafika pa kati.

Inga cinshi ico ndebela ngo mwanakashi uufimbene icifimbo ca kulooseshamo ku menso

Uuli pa mpaanga sha banobe?”

 8 “Nga tawaishiba, we wayemba nga nshi pa banakashi bonse,

Kabiye ulekonka umupitile impaanga

Kabili ucemene abana ba mbushi shobe mu mbali ya matenti ya bacemi.”

10 Utubekobeko twa ku mutwe obe tulenga amasaya yobe yalamoneka bwino,

Kabili ubulungu bulenga umukoshi obe ulemoneka bwino.

11 Tukakupangila utubekobeko twa golde,

Tukabikemo na matoni ya silfere.”

12 “Ilyo imfumu ikele pe tebulo ilyabulungana,

Amafuta yandi*+ yafumya akacena akasuma.

13 Umutemwikwa wandi aba nga kamufuko ka muri*+ kuli ine

Ubushiku bonse akalaala pa kati ka mabele yandi.

14 Umutemwikwa wandi aba nge cisansangu ca maluba ya henna+ kuli ine,

Mu mabala ya myangashi aya ku En-gedi.”+

17 Imyalo ya ng’anda yesu* ya mikedari,

Insonta shesu sha mikupri.

2 “Ine ndi luba lya ntongola ilya mu nika ya Sharoni,

Iluba lya mu mipokapoka.”+

 2 “Filya fyaba iluba lya mu mpanga pali ficilasa

E fyaba no mutemwikwa wandi pa bana banakashi.”

 3 “Nga filya fine icimuti ca muapele caba pa fimuti fya mu mpanga,

E fyo no mutemwikwa wandi aba pa bana baume.

Ndafwaisha ukulaikala mu cintelelwe cakwe,

Kabili ndaipakisha ifisabo fyakwe ifyalowa.

 4 Anyingishe mu ng’anda ya maliila,*

Kabili bonse balimwene ukuti nine atemenwe.

 5 Mpeeleni keke ya myangashi iyauma+ pa kuti nsekelele,

Mpeeleni amaapele pa kuti nkose,

Pantu nindwala icitemwiko.

 6 Ninshintilisha umutwe pa kuboko kwakwe ukwa ku kuso,

Kabili nankumbatila no kuboko kwakwe ukwa ku kulyo.+

 7 Mwe bana banakashi ba mu Yerusalemu, ndemweba nati lapeni

Pa mpombo+ atemwa pa nsebula ishikota isha mu mpanga:

Moneni! Uyo aleisa,

Aleninika impili, alekumpauka pa tupili.

Uyo eminine ku numa ya cibumba cesu,

Alelengela pa mawindo,

Alelengelela mu tupunda twa mawindo.

‘Ima, we mutemwikwa wandi,

We wayemba wandi, natuleya.

12 Amaluba nayabalula mu calo,+

Inshita ya kutungwilamo imyangashi naifika,+

Kabili ukulila kwa cipele kwaumfwika mu calo cesu.+

13 Icimuti ca mukunyu nacilenga amakunyu ya kubalilapo yapya;+

Ifimuti fya myangashi nafibalula kabili nafifumya icena icisuma.

14 We nkunda yandi, iyabelama mu cilibwe icitali,+

Iyabelama mu kati sana aka cilibwe,

Ndefwaya ukukumona no kumfwa ishiwi lyobe,+

Pantu ishiwi lyobe lisuma kabili ulamoneka bwino.’”+

15 “Twikatileni bamumbwe,

Abana ba bamumbwe abonaula imyangashi,

Pantu imyangashi yesu naibalula.”

17 Ilyo umwela uwatalala ushilapepelesha* ne finshingwa fishilabutuka,

Endesha ukubwela, we mutemwikwa wandi,

Ube nge mpombo+ nelyo ngo mwana wa nsebula+ apalekanina impili.*

3 “Ilyo naleele pa busanshi bwandi ubushiku,

Nalefwaya uo natemwa.*+

 2 Nkema fye nkaye mu kumufwayafwaya mu musumba;

Mu misebo na mu mansa

Nkayefwaya uo natemwa.*

 4 Awe cilya nafuma fye apo bansangile

E lyo nasangile uo natemwa.*

Nalimwikete, kabili nshamulekele aya,

Nasukile namuleta mu ng’anda ya kwa mayo+

Mu muputule wa mu kati uwa wanjimite.

 5 Mwe bana banakashi ba mu Yerusalemu, ndemweba nati lapeni

Pa mpombo atemwa pa nsebula ishikota isha mu mpanga:

 6 “Cinshi ici icilefuma mu matololo nge ntumba ya cushi,

Ico basansako muri* no bubani bwabuuta

Ne fya buunga buunga fyonse ifyanunkila bwino ifya kwa shimakwebo?”+

Impalume 60 bonse nabayashinguluka,

Abaume ba maka aba mu bena Israele,+

 8 Cila muntu ali no lupanga,

Bonse balisambilila ifya kulwa inkondo,

Cila muntu ali no lupanga lwakwe mu musana

Pa kuicingilila ku balwani ubushiku.”

 9 “Macila* ayo Imfumu Solomone

Yaipangiile ne fimuti fya ku Lebanone.+

10 Amolu ya macila ayo yapangile yali ya silfere,

Apa kushintilila pali apa golde.

Apa kwikala pali apakashikila,

Mu kati ka macila mwaliyemfiwe bwino

Abana banakashi ba mu Yerusalemu e bayemfeshemo.”

11 “Mwe bana banakashi ba mu Sione fumeni,

Mumone Imfumu Solomone

Naifwala icisote ca bwinga* ico nyina+ aipangiile

Pa bushiku bwa bwinga bwaiko

Pa bushiku umutima waiko wasekelele.”

Umushishi obe waba ngo mukuni wa mbushi

Ishilelongoloka mu mpili sha Gileadi.+

 2 Ameno yobe yaba ngo mukuni wa mpaanga isho bafuma mu kubeya

Isho bafuma mu kusambika,

Shonse fye nashikwata bampundu,

Kabili tapali nangu imo iyo umwana afwa.

 3 Imilomo yobe yaba ngo bushishi ubwakashika ce,

Ne milandile yobe isuma.

Amatobo* yobe mu cifimbo

Yali nge fipandwa fya mupomegranate.

 4 Umukoshi obe+ waba ngo lupungu lwa kwa Davidi,+

Ulwakuulwa bwino na mabwe,

Ulo bakobekako inkwela 1,000,

Shonse ni nkwela sha baume ba maka.+

 5 Amabele yobe yaba nga bana babili,

Bampundu ba mpombo+ iilelya

Mu maluba ya mu mpanga.”

 6 “Ilyo umwela watalala ushilapeepelesha* ne finshingwa fishilabutuka,

Ndeya ku lupili lwa muri*

Na ku kapili ka bubani bwabuuta.”+

 7 “Waliyemba muli fyonse, we mutemwikwa wandi,+

Tamwaba akalema muli iwe.

 8 Tuleya tufume mu Lebanone, we nabwinga wandi,

Natufume mu Lebanone.+

Tentemuka pa muulu wa Amana,

Fuma pa muulu wa Seniri na pa muulu wa Hermone,+

Fuma umwikala inkalamo, fuma mu mpili umwikala imbwili.

 9 Wankubula umutima,+ we nkashi yandi, we nabwinga wandi,

Wankubula umutima pa kundolesha fye umuku umo,

Pa kumona fye ulubali lwa kaceni kobe aka mu mukoshi.

Icitemwiko cobe caliwama sana ukucila umwangashi,+

Kabili ukununkila kwa mafuta yobe kwalicila ifyanunkila fyonse!+

Ubuci no mukaka fyaba mwi samba lya lulimi lobe,+

Kabili ukununkila kwa fya kufwala fyobe kwaba ngo kununkila kwa mutengo wa Lebanone.

12 Nkashi yandi, nabwinga wandi, aba nge bala ilyapindililwa,

Libala ilyapindililwa, kamfukumfuku akacingililwa.

13 Waba nge fimuti fya mwi bala ifyatwala amapomegranate ayengi,

Umwaba ifisabo ifyawamisha, ne fimenwa fya henna na nardi,

14 Nardi+ ne luba lya ntongola, iciloolo*+ na kinamone,+

Ne misango yonse iya fimuti fya bubani bwabuuta, muri* ne cikulankonde,+

Pamo na mafuta yonse ayanunkila nga nshi.+

15 Uli kamfukumfuku akatapilila ibala, icishima ca menshi ayalengama,

Kabili utumilonga utwafuma ku Lebanone.+

16 Buuka, we mwela wa ku kapinda ka ku kuso;

Isa we mwela wa ku kapinda ka ku kulyo.

“Kuti natemwa umutemwikwa wandi aingila mwi bala lyakwe

No kulya ifisabo fya liko ifyawamisha.”

5 “Naingila mwi bala lyandi,+

We nkashi yandi, we nabwinga wandi.

Nalya ubuci bwandi kumo ne fipeepe;

Nanwa umwangashi wandi no mukaka wandi.”+

‘Njiswilako, we nkashi yandi, we mutemwikwa wandi,

We nkunda yandi, we wabula akalema!

Umutwe wandi naubomba ku mume,

Ifikuti fyandi nafibomba ku mume wa bushiku.’+

 4 Umutemwikwa wandi afumya ukuboko pa cipunda ca mu ciibi,

Kabili natendeka ukumufuluka.

 5 Nalimine mu kwiswila umutemwikwa wandi,

Ku maboko yandi kwaletona muri,*

Kabili iminwe yandi yaletonya muri,*

Yaletonena ku fya kukomenako iciibi.

 6 Naliswilile umutemwikwa wandi,

Lelo umutemwikwa wandi ninshi nabwelelamo kale, naya.

Nga mwasanga umutemwikwa wandi,

Mumwebe amuti nindwala icitemwiko.”

 9 “Bushe umutemwikwa obe acila shani abaume bambi,

We wayemba ukucila abanakashi bonse?

Bushe umutemwikwa obe acila shani abaume bambi,

Pa kuti utwebe ukulapa umulapo wa musango yu?”

10 “Umutemwikwa wandi musuma nga nshi kabili alikashikila;

Alicila abaume 10,000.

Umushishi wakwe waba nge misambo ya tuncindu,*

Umushishi wakwe wafiita nga mwankole.

12 Amenso yakwe yaba kwati ni nkunda ishili mu mbali ya milonga,

Ishilesamba mu mukaka,

Ishikele mu mbali ya cishiba icaisulamo amenshi.*

13 Amasaya yakwe yaba kwati luputa lwa filimwa ifinunkila bwino,+

Yaba kwati ni mputa umwamena ifya kusuba ifyanunkila bwino.

16 Akanwa kakwe kalilowa,

Kabili fyonse fye pali ena fyaliwama.+

6 “Bushe umutemwikwa obe ele kwi,

We wayemba nga nshi pa banakashi bonse?

 2 “Umutemwikwa wandi ele kwi bala lyakwe,

Ku mputa isho balimbamo ifilimwa ifinunkila bwino,

Ku kucema impaanga shakwe mu mabala,

Na ku kusaba amaluba.+

 3 Ine ndi wa mutemwikwa wandi,

No mutemwikwa wandi na o, wandi.+

 4 “We mutemwikwa wandi,+ wayemba ngo Musumba Uusuma,*+

Wawama nga Yerusalemu,+

Ulamoneka bwino nga filya abashilika abalongene ku kulwa inkondo bamoneka.+

 5 Leka ukundolesha,+

Pantu amenso yobe yankubula umutima.

Umushishi obe waba ngo mukuni wa mbushi

Ishiletentemuka ulupili lwa Gileadi.+

 6 Ameno yobe yaba ngo mukuni wa mpaanga

Isho bafuma mu kusambika,

Shonse fye nashikwata bampundu,

Kabili tapali nangu imo iyo umwana afwa.

 7 Amasaya* yobe mu cifimbo

Yali nge fipandwa fya mupomegranate.

 8 Abakashi ba mfumu kuti baba 60,

Na bakanakashi 80,

Kabili abakashana kuti baba iminshipendwa.+

Abana banakashi bamumona, kabili bamutasha;

Abakashi ba mfumu na bakanakashi bamumona, kabili bamulumbanya.

10 ‘Nani uyu mwanakashi uumoneka bwino nga macaca,

Uwayemba ngo mweshi uwabulungana,

Uwabengeshima nga kasuba,

Uumoneka bwino nga filya abashilika abalongene ku kulwa inkondo bamoneka?’”+

11 “Naile kwi bala lya fimuti fya fitwalo fya nkusu,+

Mu kumona intombo mu mupokapoka,*

Mu kumona nga nafipuuka umwangashi,

Nelyo nga nafibalula imipomegranate.

12 Apo nalefwaisha* ukumona ifi,

Napulikilwe fye

Ndi pa maceleta ya bantu bandi abacindama.”*

Bwela, bwela,

Uleke tukumonepo!”

7 “Amakasa yobe yalamoneka bwino mu ndyato shobe,

We mwana mwanakashi umukankaala!

Ukubulungana kwa ntungu shobe kwaba nge fibekobeko,

Ifyo uwaishibisha ifya kupangapanga apanga.

Ulufumo lobe mwina wa ngano,

Uwashingulukwa na maluba.

 3 Amabele yobe yaba nga bana babili,

Bampundu ba mpombo.+

Amenso yobe+ yaba nge fishiba fya mu Heshebone,+

Pa mpongolo ya Bati-rabimu.

Umoona obe waba ngo lupungu lwa mu Lebanone,

Ulwalungatana na Damaseke.

 5 Umutwe obe wawama ngo lupili lwa Karmele,+

Kabili umushishi*+ obe waba ngo bushishi ubwakashikila.+

 6 Ala waliyemba, kabili waliwama,

We mukashana wandi, walicila pa fya maliila fyonse!

 7 Iciimo cobe caba nga akancindu,

Na mabele yobe yaba nge fisansangu fya fitwalo fya tuncindu.+

 8 Natile, ‘Ndenina akancindu,

Pa kuti njikate iminkonti ya fitwalo fya kako.’

Amabele yobe nayabe nge fisansangu fya mwangashi,

No mupu obe ununkile nga ma-apele,

 9 Kabili akanwa kobe kabe ngo mwangashi uwawamisha.”

“Naupite bwino pa mukoshi wa mutemwikwa wandi,

Nga filya upita pa milomo ya baume no kulenga balaale.

10 Ine ndi wa mutemwikwa wandi,+

Kabili nine afwaya.

11 Ale, we mutemwikwa wandi,

Natuleya mu mpanga;

Tuyeikala mu tumuti twa henna.+

12 Natucelele ku mabala ya myangashi

Ku kuyamona umwangashi nga naupuuka,

Amaluba nga nayabalula,+

Ifimuti fya mapomegranate nga nafipuuka.+

13 Bamandragora*+ balenunkila bwino;

Pa miinshi yesu pali imisango yonse iya fisabo ifisuma nga nshi.+

Ifya nomba ne fya kale,

Nalikusungila, we mutemwikwa wandi.

8 “Iye, kanshi nga wali kwati ni ndume yandi,

Uwaonkele ku mabele ya kwa mayo!

Nkusanga panse, nga nakufyompa.+

Kabili takuli nangu umo uwingansuula.

 2 Kuti nakusenda;

No kukwingisha mu ng’anda ya kwa mayo,+

Uwansambilishe.

Kuti nakunwesha umwangashi uwasakanamo ifyanunkila,

Na menshi ayo bakama mu mapomegranate.

 3 Kuti nashintilisha umutwe pa kuboko kwakwe ukwa ku kuso,

Kabili kuti ankumbatila no kuboko kwakwe ukwa ku kulyo.+

 5 “Nani uyu alefuma mu matololo,

Nashintilila pa mutemwikwa wakwe?”

 6 Umbike nge cishibilo pa mutima obe,

Nge cishibilo pa kuboko kobe,

Pantu ukutemwa kwakosa nge mfwa,+

Kabili ukutemwa takupwa filya fine Inshiishi* ishisula.

 7 Amenshi nangu yafule shani te kuti yashimye ukutemwa,+

Kabili te kuti kusendwe ne mimana.+

Umuntu nga apeela ifyuma fyonse ifya mu ng’anda yakwe pa kuti abantu bamutemwe,

Abantu kuti bamusuula.”

 8 “Twalikwata nkashi yesu umwaice,+

Kabili talamena amabele.

Tukacita shani kuli nkashi yesu

Ilyo bakamulansha?”

 9 “Nga nkashi yesu cibumba,

Ninshi tukakuulapo ulupungu lwa silfere;

Nomba nga ca kuti ciibi,

Ninshi tukamwisala no mupindo wa cimuti ca mukedari.”

10 “Ine ndi cibumba,

Kabili amabele yandi yaba nge mpungu.

E ico, amona ukuti

Ndi wa mutende.

Indalama 1,000 isha silfere shobe Solomone,

Ne ndalama 200 sha basakamana ifisabo fya mwi bala.”

13 “We wikala mu mabala,+

Abanandi balomfwa ishiwi lyobe.

14 “Endesha we mutemwikwa wandi,

Kabili wangufyanye nge mpombo+

Atemwa ngo mwana wa nsebula

Pa mpili apamena ifinunkila.”