INYIMBO SHA BULANDA
א [Aleph]*
1 Iye ifyo waikala weka we musumba umwafulile abantu!+
Ifyo waba nga mukamfwilwa, we musumba umwali abantu abengi ukucila inko shimbi!+
Ifyo uwali namfumu mu fitungu nomba alabomba umulimo wa kupatikishiwa!+
ב [Beth]
2 Alalila sana ubushiku+ kabili pa matobo yakwe paisula ifilamba.
Bonse abo atemwana nabo tabalemusansamusha.+
Abanankwe bonse bamwalukila.+ Basanguka abalwani bakwe.
ג [Gimel]
3 Yuda nayaba nkole ku calo cimbi,+ alecula nga nshi kabili ali umusha.+
Afwile ukwikala mu nko;+ tasangile icifulo ca kutuushishamo.
Bonse abalemucusha bamusanga ninshi alecula.
ד [Daleth]
4 Inshila shaya ku Sione shileloosha, pantu takuli nangu umo uuleisa ku mutebeto.+
Impongolo shakwe shonse nabashilekelesha;+ bashimapepo bakwe baleteta.
Banacisungu* bakwe baleloosha kabili alekalipwa nga nshi.
ה [He]
5 Abalwani bakwe nomba e bashikulu bakwe;* tabasakamikwe.+
Pantu Yehova nalenga aba no bulanda pa mulandu wa membu ishingi isho aacita.+
Umulwani wakwe nasenda abana bakwe pa kuti bayeba bankole.+
ו [Waw]
6 Ubukata bonse ubwa mwana mwanakashi Sione nabupwa.+
Intungulushi shakwe shili nge nsebula ishishisangile umulemfwe,
Kabili shile-enda pa ntanshi ya baleshipepeka ninshi tashikwete amaka.
ז [Zayin]
7 Mu nshiku Yerusalemu alecula kabili ilyo ashakwete umwa kwikala,
Alibukishe ifisuma fyonse ifyo akwete mu nshiku sha kale.+
Ilyo abantu bakwe bawiliile mu minwe ya balwani kabili ilyo ashakwete wa kumwafwa,+
Abalwani bakwe balisekelele ilyo bamwene awa.+
ח [Heth]
8 Yerusalemu alicita ulubembu ulukalamba.+
E co abela ica bunani.
Bonse abalemucindika nabamusuula, pantu nabamona insoni shakwe.+
Aleteta+ kabili nafutata ninshi naumfwa insoni.
ט [Teth]
9 Ukukowela kwakwe kuli mu fya kufwala fyakwe.
Tatontonkenyepo pa fyali no kumucitikila ku ntanshi.+
Nawa mu cipesha amano; takwete no wa kumusansamusha.
Mwe Yehova moneni ifyo ndecula, pantu umulwani wandi naituumika.+
י [Yod]
10 Umulwani natambalika ukuboko kwakwe pa fyuma fyakwe fyonse.+
Pantu namona inko shaingila mu cifulo cakwe ica mushilo,+
Inko isho mwaebele ukuti tashifwile ukuba pamo na bantu benu.
כ [Kaph]
11 Abantu bakwe bonse baleteta; balefwaya ifya kulya.+
Ifintu fyabo ifisuma nga nshi nabakaabushamo ifya kulya pa kuti batwalilile ukuba no mweo.*
Moneni mwe Yehova, ndi ngo mwanakashi uo basuula.*
ל [Lamed]
12 Bushe imwe bonse mwe bapita mu nshila, mulecimona ukuti ca fye?
Lolesheni kabili moneni.
Bushe kwalitala akubapo ubukali,
Ubwaba ngo bukali ubo Yehova alengele naumfwa pa bushiku ubukali bwakwe bwalebilima ngo mulilo?+
מ [Mem]
13 Natuma umulilo mu mafupa yandi ukufuma ukwasansama,+ kabili nacimfya ifupa limo na limo.
Nafungulula isumbu pa kuti amakasa yandi yekatwemo; nampatikisha ukubwelela ku numa.
Nalenga naba ngo mwanakashi uo balekelesha.
Nindwala akasuba konse.
נ [Nun]
14 Ifilubo fyandi fili nge koli, ukuboko kwakwe nakufikatanya.
Nabafibika pa mukoshi wandi, kabili amaka yandi nayapwa.
Yehova nampeela mu minwe ya bo nshingalwisha.+
ס [Samekh]
15 Yehova napoosa abaume bonse aba maka. Nabafumya apo ndi.+
Nanjitila ibumba lya bantu pa kuti bashonaule abalumendo bandi.+
Yehova nanyantaula nacisungu wa kwa Yuda mu ca kukaminamo imyangashi.+
ע [Ayin]
16 Ndeloosha pa mulandu ne fi fintu;+ amenso yandi yalelukusha ifilamba.
Pantu uwa kusansamusha no kutalalika umutima* wandi ali ukutali.
Abana bandi abaume nababalekelesha, pantu umulwani nacimfya.
פ [Pe]
17 Sione natambalika amaboko yakwe;+ takuli nangu umo uwa kumusansamusha.
Yehova naeba bonse abashinguluka Yakobo ukuti balecita nga balwani bakwe.+
Yerusalemu naba ica bunani kuli bena.+
צ [Tsade]
18 Yehova alilungama,+ pantu nshakonkele amafunde yakwe.*+
Umfweni imwe mwe bantu bonse kabili moneni ifyo ndekalipwa.
Banacisungu* bandi na balumendo bandi balibasenda mu kuyaba bankole.+
ק [Qoph]
19 Nalilila ku bo natemwana nabo, lelo nabampondokela.+
Bashimapepo bandi na bakalamba bandi bafwilile mu musumba,
Ilyo balefwayafwaya ifya kulya pa kuti batwalilile ukuba no mweo.*+
ר [Resh]
20 Moneni mwe Yehova, ndecula nga nshi.
Ifilundwa fya mu mubili wandi filekalipa.*
Umutima wandi uli no bulanda nga nshi, pa mulandu wa kuti nine cintomfwa.+
Kunse, ulupanga lwalenga nafwilwa;+ mu kati ka ng’anda muli nge mfwa.
ש [Shin]
21 Abantu nabomfwa ifyo ndeteta; takuli nangu umo uwa kunsansamusha.
Abalwani bandi bonse nabomfwa ukuti ndecula.
Balesekelela pa mulandu wa kuti namuleta ubu ubucushi pali ine.+
Lelo mukaleta ubushiku ubo mwabilishe,+ ilyo bakaba nga ine.+
ת [Taw]
22 Ifyabipa fyonse ifyo bacita nafise pa ntanshi yenu, kabili mubakande icine cine,+
Nga filya fine mwankanda pa mulandu wa filubo fyonse ifyo nacita.
Pantu ndateta nga nshi kabili umutima wandi walilwala.
א [Aleph]
2 Iye ifyo Yehova afimba umwana mwanakashi Sione ikumbi lya bukali bwakwe!
Nafumya ukuyemba kwa kwa Israele ku muulu, akupoosa pe sonde.+
Tebukishe icipuna ca makasa yakwe,+ mu bushiku bwa bukali bakwe.
ב [Beth]
2 Yehova namina incende shonse umo Yakobo ekala kabili tashumfwilile uluse.
Nabongolola imisumba ya malinga iya mwana mwanakashi Yuda ninshi nakalipa.+
Nawisha kabili nasaalula ubufumu+ ne ntungulushi sha mu Yuda.+
ג [Gimel]
3 Mu bukali bwakwe napwisha amaka yonse* aya kwa Israele.
Alifumishe ukuboko kwakwe ukwa ku kulyo pali ena ilyo umulwani aishile,+
Kabili alepya ngo mulilo muli Yakobo ica kuti naoca fyonse.+
ד [Daleth]
4 Natinta* ubuta bwakwe ngo mulwani; natwimisha ukuboko kwakwe ukwa ku kulyo ngo mulwani;+
Aleipaya bonse abo amenso yatemenwe.+
Kabili napongolwela ubukali bwakwe ngo mulilo+ mwi tenti lya mwana mwanakashi Sione.+
ה [He]
Namina impungu shakwe shonse;
Naonaula ififulo fyakwe fyonse ifyacingililwa.
Kabili nafusha ukuloosha no kulila mu mwana mwanakashi Yuda.
ו [Waw]
6 Naonaula insakwe yakwe+ nge ya mwi bala.
Nalenga umutebeto wakwe wapwa.*+
Yehova nalenga abantu mu Sione balaba umutebeto ne sabata,
Kabili mu bukali bwakwe ubukalamba nasuula imfumu na shimapepo.+
ז [Zayin]
Nalenga abalwani bapoka ifibumba fya mpungu shakwe ishakosa.+
Nabasansula ishiwi lyabo mu ng’anda ya kwa Yehova,+ nga filya basansula pa bushiku bwa mutebeto.
ח [Heth]
8 Yehova napanga ukubongolola ilinga lya mwana mwanakashi Sione.+
Nafungulula intambo ya kupiminako.+
Taleseshe ukuboko kwakwe ukuleta* ubonaushi.
Kabili nalenga ifibumba ne linga fyaloosha.
Nalenga amaka ya fiko yapwa.
ט [Teth]
9 Impongolo shakwe nashiibila mu mushili.+
Naonaula no kukontola imipindo yakwe.
Imfumu yakwe ne ntungulushi shakwe baliya mu nko.+
Takuli ifunde;* nangu fye ni bakasesema bakwe tabalemona ifimonwa ifyo Yehova alenga bamona.+
י [Yod]
10 Abakalamba ba mwana mwanakashi Sione nabekala panshi kabili bali tondolo.+
Baleikuba ulukungu pa mitwe yabo kabili nabafwala insamu.+
Banacisungu ba mu Yerusalemu nabenamika imitwe yabo panshi.
כ [Kaph]
11 Amenso yandi nayanaka pa mulandu no kulila.+
Ifilundwa fyandi ifya mu mubili filekalipa.*
Ilibu lyandi nabalipongolwela panshi, pa mulandu wa kuti umwana mwanakashi wa bantu bandi* nawa,+
Pa mulandu wa kuti abana abanono no tunya balefwa icipuupu mu mansa sha musumba.+
ל [Lamed]
12 Batwalilila ukwipusha banyinabo abati: “Ingano no mwangashi fili kwi?”+
Ilyo balefwa icipuupu ngo muntu uo bacenene mu mansa sha musumba,
Ilyo baleleka umweo ninshi bali mu minwe ya banyinabo.
מ [Mem]
13 Ni cinshi nalabomfya nga kambone?
Nelyo ni kuli cinshi nalakupashanyako, we mwana mwanakashi Yerusalemu?
Ni kuli cinshi nalakulinganyako pa kuti nkusansamushe, we mwana mwanakashi nacisungu Sione?
Pantu ukubongoloka kobe kwakula fye nga bemba.+ Nani uwingakundapa?+
נ [Nun]
14 Ifimonwa ifyo bakasesema balekumwena fyali fya bufi kabili tafyali kantu,+
Kabili tabakwebele icilubo cobe pa kuti bekusenda ukuyaba nkole,+
Lelo batwalilile ukukumwena ifimonwa fya bufi kabili balekweba amashiwi ya kukulufya.+
ס [Samekh]
15 Bonse abapita mu nshila yaba mupepi na iwe, balatoota pa kukupumya.+
Balalisha iminsoli ninshi balepapa,+ kabili balapukunishisha umwana mwanakashi Yerusalemu imitwe yabo, no kulanda abati:
“Bushe uyu e musumba uo balelandapo abati, ‘Waliyemba nga nshi kabili ulalenga abantu bonse aba pe sonde basekelela’?”+
פ [Pe]
16 Abalwani bobe bonse nabakwasamwina akanwa.
Balekulishisha umunsoli kabili balesumanya ameno no kulanda abati: “Natumumina.+
Ubu e bushiku twalelolela!+ Bwafika kabili twabumona!”+
ע [Ayin]
Nakonaula ukwabula ukukumfwila uluse.+
Nalenga umulwani obe asekelela pa fikucitikiile; nafusha amaka* ya balwani bobe.
צ [Tsade]
18 Umfwa we linga lya mwana mwanakashi Sione, imitima yabo ilelilila kuli Yehova.
Ifilamba nafilekonkoloka ngo mumana akasuba no bushiku.
Wituusha, wileka ilinso lyobe lituushe.*
ק [Qoph]
19 Ima! Lila ubushiku bonse.
Pongolola ifili mu mutima obe nga menshi pa ntanshi ya kwa Yehova.
Imisha amaboko yobe kuli ena pa kuti abana bobe befwa,
Abana bobe abalefwa icipuupu pa makoona yonse aya misebo* pa mulandu wa cipowe.+
ר [Resh]
20 Moneni mwe Yehova, kabili lolesheni uo mwakanda.
Bushe abanakashi batwalilile ukulya abana babo,* abana babo abafyalwa abatuntulu?+
Nelyo bushe bashimapepo na bakasesema balebepaila mu cifulo ca mushilo ica kwa Yehova?+
ש [Shin]
21 Umulumendo no mukote nabalambalala panshi mu misebo ninshi nabafwa.+
Banacisungu* bandi na balumendo bandi nabafwa ku lupanga.+
Namubepaya mu bushiku bwa bukali bwenu; namubepaya ukwabula ukubomfwila uluse.+
ת [Taw]
22 Mwaitile ifya kuntiinya ukufuma konse konse, nga filya beta abantu pa bushiku bwa mutebeto.+
Takuli nangu umo uwabutwike nelyo uwapuswike mu bushiku bwa bukali bwa kwa Yehova;+
א [Aleph]
3 Ndi muntu uwamonapo abantu balecula pa mulandu wa nkonto ya bukali bwakwe.
2 Nantamfya kabili nalenga naenda mu mfifi, talengele naenda mu lubuuto.+
3 Pa miku iingi alanguma ukuboko kwakwe akasuba konse.+
ב [Beth]
4 Nalenga umubili wandi ne nkanda yandi fyapwa;
Natobaula amafupa yandi.
5 Nanshinga; nanshingulusha sumu iyabipisha+ no bucushi.
6 Nampatikisha ukwikala mu fifulo umwafiita, nga abantu abafwile kale.
ג [Gimel]
8 Kabili ilyo napunda mutuule, alakaana ukukutika* ipepo lyandi.+
ד [Daleth]
10 Nambelamina pa kuti ansanse nga bere, nge nkalamo iifiseme.+
12 Natinta* ubuta bwakwe, kabili ambikile nge ca kulasapo umufwi.
ה [He]
13 Andasa imifwi* ya mu ka cola kakwe mu mfyo.
14 Abantu bonse balanseka, akasuba konse nine bembapo mu nyimbo shabo.
15 Nampeela ifyalula ifingi nga nshi, kabili nalenga natwalilila ukunwa ifyalula sana.+
ו [Waw]
17 Tamuleka naba no mutende;* nalilaba ifyo ubusuma bwaba.
18 E ico nanda nati: “Ubucindami bwandi nabupwa, kabili nshenekela nangu cimo kuli Yehova.”
ז [Zayin]
19 Ibukisheni ubucushi bwandi ne fyo nshakwata umwa kwikala.+ Ibukisheni ne fyalula sana na sumu iyabipisha.+
20 Nangu cibe shani mukebukisha* kabili mukakontamina pali ine.+
21 Nkebukisha ifi mu mutima wandi; e mulandu wine nkatekanishisha pa kumulolela.+
ח [Heth]
23 Cila lucelo uluse lwakwe lulaba ulupya;+ muli ba cishinka lyonse.+
24 “Yehova e bupyani bwandi,”+ e fyo nalanda,* “e co nkatekanishisha pa kumulolela.”+
ט [Teth]
25 Yehova musuma ku muntu* uwa mucetekela,+ ku muntu uutwalilila ukumufwaya.+
26 Cisuma ukulolela ukupususha kwa kwa Yehova+ mu mutalalila.*+
27 Cisuma umuntu ukusenda ikoli ilyo acili umwaice.+
י [Yod]
28 Naekale eka kabili abe tondolo, ilyo Lesa abika ikoli pali ena.+
29 Nabike akanwa kakwe mu lukungu;+ nalimo kuti kwaba isubilo lya kuti akapusuka.+
30 Napeele uulemuuma itobo lyakwe; Naseebane nga nshi.
כ [Kaph]
31 Pantu Yehova takatupoose umuyayaya.+
32 Nangu alilenga twaba no bulanda, akatumfwila uluse pantu alikwatisha ukutemwa ukushipwa.+
33 Pantu tafwaya ukucusha abana ba bantu nelyo ukulenga baba no bulanda.+
ל [Lamed]
34 Lesa tafwaya ukuti umuntu ashonawile abafungwa bonse aba pe sonde mwi samba lya makasa yakwe,+
35 Tafwaya ukuti umuntu afyenga umuntu munankwe pa ntanshi ya Wapulamo,+
36 Tafwaya ukuti umuntu afyenga umuntu munankwe ilyo alelubulula,
Yehova alipata ifya musango yu.
מ [Mem]
37 Nomba nani uwingalanda fimo ica kuti no kucitika fyacitika, ukwabula ukuti Yehova alenge ficitike?
38 Mu kanwa ka Wapulamo,
Ifisuma tafifumina pamo ne fyabipa.
39 Cinshi umuntu engalailishanishisha pa fifuma mu lubembu lwakwe?+
נ [Nun]
40 Natutontonkanye sana pa fyo tucita,+ kabili natubwelele kuli Yehova.+
41 Natwimishe imitima yesu pamo na maboko yesu kuli Lesa ku muulu kabili tulande atuti:+
42 “Natubembuka kabili natumupondokela,+ lelo tamutubelele uluse.+
ס [Samekh]
43 Pa mulandu wa kuti mwalitufulilwa, mwalitucilikila pa kuti twi-isa kuli imwe;+
Mwalitupepeka no kutwipaya, ukwabula ukutumfwila uluse.+
44 Mwalitucilikila ne kumbi, pa kuti amapepo yesu yefika kuli imwe.+
45 Mwalenga twaba ifiko kabili ifisooso mu nko.”
פ [Pe]
46 Abalwani besu bonse balatwasamwina utunwa twabo.+
47 Lyonse tulaba no mwenso kabili ifyabipa filatucitikila.+ Nabatonaula kabili nabatubongolola.+
48 Mu menso yandi mulekonkoloka ifilamba nge milonga ya menshi pa mulandu wa kubongoloka kwa mwana mwanakashi wa bantu bandi.+
ע [Ayin]
51 Amenso yandi nayalenga naba no bulanda* pa mulandu wa bana banakashi bonse aba mu musumba wandi.+
צ [Tsade]
52 Abalwani bandi balenunga nge cuni apabula umulandu.
53 Nabatalalika umweo wandi mu cilindi; tabalekele ukumpoosela amabwe.
54 Amenshi yapitile pa muulu wa mutwe wandi, kabili nalandile nati: “Nalafwa!”
ק [Qoph]
55 Nalilile kwi shina lyenu mwe Yehova, ninshi ndi mu cilindi icashika.+
56 Umfweni ishiwi lyandi; mwicilika ukutwi kwenu pa kuti mumfwe ifyo ndelila ukuti mungafwe.
57 Mwalipaleme mu bushiku nalilile kuli imwe. Mwanjebele amuti: “Witiina.”
ר [Resh]
58 Namundubulwilako umulandu* mu cilye, mwe Yehova, namulubula ubumi bwandi.+
59 Mwe Yehova namumona ifyabipa ifyo bancita; napaapaata mube no mulinganya pa kumpingula.+
60 Namumona fyonse ifyo bacita pa kunandula, namumona fyonse ifyo bapanga ukuncita.
ש [Sin] nelyo [Shin]
61 Mwe Yehova namumfwa ifyo balempumya, na fyonse ifyo bapanga ukuncita.+
62 Namumona imilomo ya bandwisha kabili namumfwa ifyo batepeleshanya pali ine akasuba konse.
63 Balolesheni; nga nabekala nelyo nga nabeminina balampumya mu nyimbo bemba.
ת [Taw]
64 Mwe Yehova, mukabakanda ukulingana ne fyo bacita.
65 Mukalenga bakabe ne mitima ya bucintomfwa, e citiipu mukabapeela.
66 Mukabapepeka ninshi namukalipa kabili mukabalofya mwi samba lya myulu ya kwa Yehova.
א [Aleph]
4 Iye ifyo golde iibeeka yaleka ukubeeka sana, golde iisuma!+
Iye ifyo amabwe ya mushilo+ yasalangana pa makoona yonse aya misebo!*+
ב [Beth]
2 Abana ba kwa Sione abacindama abo balemona nga golde iyalopololwa,
Iye ifyo balebamona nge mitondo,
Iyo iminwe ya kwa nakabumba yabumba!
ג [Gimel]
3 Na bamumbwe balonsha utwana twabo,
Lelo umwana mwanakashi wa bantu bandi ena naba umunkalwe+ nga bamwakatala ba mu matololo.+
ד [Daleth]
4 Ululimi lwa mwana uonka lwalambatila mu kanwa kakwe pa mulandu ne cilaka.
Abana balelomba ifya kulya,+ lelo takuli nangu umo uwa kubapeela.+
ה [He]
5 Abalelya ifisuma balambalele mu misebo ninshi nabafwa ulushile.+
Abalefwala ifya kashika+ ilyo balekula nabafukatila imiina ya mito.
ו [Waw]
6 Ifyo bakandile* umwana mwanakashi wa bantu bandi naficila pa fyo bakandile Sodomu pa lubembu acitile,+
Uo baonawile mu nshita fye iinono kabili uushakwete wa kumwafwa.+
ז [Zayin]
7 AbaNasiri bakwe+ baali ababuuta nga nshi ukucila imfula ya bungululu bwa buuta, ukucila no mukaka.
Baali abakashika ukucila amakorali; bali nga safiri iyabeeka.
ח [Heth]
Inkanda yabo nailambatila ku mafupa yabo;+ nayuma nge cimuti icauma.
ט [Teth]
9 Abafwa ku lupanga bawamapo ukucila abafwa ku cipowe,+
Abo amaka yapwa pa mulandu wa kuti mwi bala tamuli ifya kulya. Bali nga bo balashile imifwi.
י [Yod]
10 Iminwe ya banakashi ba cikuuku yaipika abana babo.+
Baba ifya kulya ilyo baleloosha pa kubongoloka kwa mwana mwanakashi wa bantu bandi.+
כ [Kaph]
Kabili nasonteka umulilo mu Sione, uwaoca umufula wa kwa Sione.+
ל [Lamed]
12 Imfumu sha pe sonde na bonse abekala mu calo
Tabasumine ukuti umulwani kuti aingila mu mpongolo sha Yerusalemu.+
מ [Mem]
13 Ni pa mulandu wa membu sha bakasesema bakwe, ifilubo fya bashimapepo bakwe,+
Abasuumishe umulopa wa balungama muli ena.+
נ [Nun]
14 Bendauka mu misebo nga bantu abashimona.+
Bali-ikantaika umulopa,+
Pa kuti umuntu nangu umo eikata ifya kufwala fyabo.
ס [Samekh]
15 “Tutalukeni! Natukowela!” e fyo balebabilikisha. “Tutalukeni! Tutalukeni! Mwitwikatamo!”
Pantu tabakwete umwa kwikala kabili bale-endauka fye.
Aba mu nko balandile abati: “Te kuti bekale na ifwe kuno.+
פ [Pe]
Abantu tabakacindike bashimapepo,+ tabakomfwile uluse abakalamba.”+
ע [Ayin]
17 Na pali ino ine inshita amenso yesu nayanaka ukulolela uwa kutwafwa, lelo tamoneka.+
Twalelolesha ku luko ukuti lutwafwe, uluko ulushingatupususha.+
צ [Tsade]
18 Balakonka umupita intampulo shesu+ ica kuti tulafilwa no kwenda mu mansa shesu.
Impela yesu naipalama; inshiku shesu nashipwa, pantu impela yesu nayisa.
ק [Qoph]
19 Abaletupepeka balebutukisha ukucila bakapumpe ba mu lwelele.+
Baletupepeka pa mpili; baletubelamina mu matololo.
ר [Resh]
20 Imfumu iyo Yehova asuba,+ umupu wa mu myona yesu, nabayikata mu cilindi cabo icikalamba,+
Iyo twalandilepo atuti: “Tukekala mu cintelelwe ca iko pa kuti tukatwalilile ukuba aba mweo mu nko.”
ש [Sin]
21 Sekelela we mwana mwanakashi Edomu,+ we wikala mu calo ca Usi.
Lelo na pali iwe wine bakesapishapo kapu,+ ukakolwa kabili ukashala ubwamba.+
ת [Taw]
22 Ukukukanda pa cilubo cobe we mwana mwanakashi Sione kwapwa.
Takakusende na kabili pa kuti ukayeba nkole.+
Lelo akakukanda pa cilubo cobe, we mwana mwanakashi Edomu.
Akafimbula pa membu shobe.+
5 Ibukisheni mwe Yehova ifyatuponena.
Lolesheni kabili moneni ifyo twaseebana.+
2 Abantu bambi bambi e bo bapeela ubupyani bwesu, aba ku fyalo fimbi e bo bapeela amayanda yesu.+
3 Twaba nga bana banshiwa abashakwata bashibo; banyinefwe bali nga bamukamfwilwa.+
4 Tulalipila pa kuti tunwe amenshi yesu,+ kabili inkuni shesu na sho tulashita.
6 Tutambulwila amaboko yesu ku Egupti+ na ku Asiria,+ pa kuti batupeeleko ifya kulya ifyo twingekuta.
7 Ifikolwe fyesu ifyabembwike fyalifwa, lelo imembu sha fiko shaba pali ifwe.
8 Ababomfi nomba e batuteka; takwaba nangu umo uwingatupokolola mu minwe yabo.
9 Pa kuti tusange ifya kulya, tulabika ubumi* bwesu mu busanso,+ pa mulandu wa lupanga lwa mu matololo.
10 Imibili yesu ikabile nge lungu, pa mulandu wa kucula ne nsala.+
11 Abakashi besu mu Sione nababaseebanya,* kumo na banacisungu ba mu misumba ya mu Yuda.+
12 Intungulushi baleshikakila intambo ku kuboko kumo, e lyo bashikobeka.+ Kabili tabacindike abakalamba.+
13 Abalumendo balasenda ilibwe lya kupelelapo, kabili utulumendo tulatalantanta ninshi natusenda inkuni ishafina.
14 Abakalamba nabafuma pa mpongolo ya musumba;+ abalumendo nabaleka ukulisha ifilimba.+
15 Ukusekelela nakupwa mu mitima yesu; natuleka ukucinda, nomba tuleloosha fye.+
16 Icilongwe* nacipona ku mitwe yesu. We bulanda kuli ifwe, pantu natubembuka!
17 Pa mulandu ne ci, umutima wesu naulwala.+
Kabili pa mulandu ne fi fintu, amenso yesu nayaleka ukumwenekesha,+
18 Pa mulandu wa kuti ulupili lwa Sione lwashala icibolya;+ bamumbwe nomba e bendaukamo.
19 Lelo imwe mwe Yehova, mwaikala pa cipuna cenu ica bufumu umuyayaya.
Icipuna cenu ica bufumu cikabako mu nkulo shonse.+
20 Cinshi ico mwatulabila umuyayaya no kutulekelesha pa nshita iitali?+
21 Tubwesesheni kuli imwe mwe Yehova, na ifwe twalaitemenwa ukubwela.+
Lengeni inshiku shesu shibe ishipya nga filya shali kale.+
22 Na lyo line mwalitukaana.
Mwalitwalilila ukutufulilwa nga nshi.+
Amashiwi yaba mu cipandwa 1 ukufika ku 4, ni nyimbo sha bulanda isho balemba ukulingana na alufabeti ya ciHebere.
Nelyo “Abakashana.”
Mu ciHebere, “umutwe wakwe.”
Nelyo “pa kuti babweseshemo umweo.”
Uyu umwanakashi aleimininako Yerusalemu.
Nelyo “umweo.”
Mu ciHebere, “akanwa kakwe.”
Nelyo “Abakashana.”
Nelyo “pa kuti babweseshemo umweo.”
Mu ciHebere, “mu mala mulepota.”
Mu ciHebere, “nakontola ulusengo lonse.”
Mu ciHebere, “Nanyanta.”
Nelyo “Naonaula umutebeto wakwe.”
Mu ciHebere, “ukumina.”
Nelyo “ifya kukonka.”
Mu ciHebere, “mu mala mulepota.”
Amashiwi ya kuti umwana mwanakashi uwa bantu bandi tayalelanda pa muntu iyo, mashiwi ya mampalanya, nalimo ayalelanda pa kumfwila uluse nelyo pa kulangulukilako.
Mu ciHebere, “naimya ulusengo.”
Mu ciHebere, “umwana mwanakashi wa linso lyobe atuushe.”
Mu ciHebere, “pa mitwe yonse iya misebo.”
Nelyo “ifisabo fyabo.”
Nelyo “Abakashana.”
Nelyo “abo nafyele abatuntulu.”
Nelyo “alacilikila; alesalila.”
Nelyo kuti yapilibula no kuti, “nalenga nalaala fye panshi ukwabula ukucita nangu cimo.”
Mu ciHebere, “Nanyanta.”
Mu ciHebere, “abana abaume.”
Nelyo “umweo wandi waba no mutende.”
Nelyo “umweo wenu ukebukisha.”
Nelyo “e fyo umweo wandi walanda.”
Nelyo “ku mweo.”
Nelyo “ukutekanya ilyo tulelolela.”
Nelyo “nayalenga umweo wandi waba no bulanda.”
Nelyo “Namundubulwilako umulandu wa mweo wandi.”
Mu ciHebere, “pa mitwe ya misebo yonse.”
Mu ciHebere, “Icilubo ca.”
Mu ciHebere, “imfita.”
Nelyo “umweo.”
Nelyo “nabolungana nabo ku maka.”
Nelyo “Icisote ca bufumu.”