AMOSE
1 Aya mashiwi ya kwa Amose* uwali pa baleteka impaanga ku Tekoa.+ Aya mashiwi yali mu cimonwa ico amwene pali Israele mu nshiku sha kwa Usia imfumu+ ya baYuda, na mu nshiku sha kwa Yeroboamu+ umwana wa kwa Yoashi,+ imfumu ya bena Israele. Ici cimonwa acimwene imyaka ibili ilyo kushilaba icinkukuma.+ 2 Atile:
“Yehova akabuluma mu Sione,
Akemya ne shiwi lyakwe mu Yerusalemu.
Ne mpanga sha mulemfwe isha bacemi shikaloosha,
Na fyonse ifyaba pa muulu wa Karmele fikooma.”+
3 “Yehova atila,
‘“Nshakaalule ifyo napingula abena Damaseke pa milandu* itatu na pa milandu 4 iyo bacitile,
Na pa fyo balepuma abena Gileadi kwati ni filya bapuma ingano ku fya kupuminako ifya fyela.+
4 E ico nkatuma umulilo pa ng’anda ya kwa Hasaele,+
Na o ukoca amayanda ya kwa Ben-hadadi+ aya malinga ayakosa.
5 Nkakontola imipindo ya pa mpongolo ya musumba wa Damaseke;+
Nkalofya abekashi ba mu Bikati-abeni
E lyo no uteka* mu Bet-edene;
Kabili abena Siria bakabasenda bunkole ku Kiri,”+ e fyo Yehova alanda.’
6 Yehova atila,
‘“Nshakaalule ubupingushi bwandi pa milandu* itatu na pa milandu 4 iyo abena Gasa+ bacitile,
Pantu basendele bankole bonse+ no kubapeela ku bena Edomu.
8 Nkalofya abekashi ba mu Ashidode,+
Nkabwesesha no kuboko kwandi pali Ekrone,+
Na baPelishiti abashalapo nkabalofya,”+ e fyo Shikulu Mulopwe Yehova alanda.’
9 Yehova atila,
‘Pa milandu* itatu na pa milandu 4 iyo abena Turi+ bacitile, nshakaalule ubupingushi bwandi,
Pantu bapeele bankole bonse ku bena Edomu,
Kabili balilabile icipangano ca bwananyina.+
11 Yehova atila,
‘Pa milandu* itatu na pa milandu 4 iyo abena Edomu+ bacitile, nshakaalule ubupingushi bwandi,
Pantu balekonka bamunyinabo no lupanga,+
Kabili tabalebomfwila uluse;
Balikalipe ica kuti balesantaula bamunyinabo,
Kabili balitwalilile ukuba ne cipyu kuli bena.+
13 Yehova atila,
‘“Pa milandu* itatu na pa milandu 4 iyo abena Amoni+ bacitile, nshakaalule ubupingushi bwandi,
Pantu balelepula amafumo ya banakashi abena Gileadi abaimita pa kuti bakushe imipaka yabo.+
14 Nkatuma umulilo pe linga lya Raba,+
Kabili ukoca amayanda ya malinga ayakosa,
Ilyo abashilika bakasansa umusumba, kukaba icongo ca nkondo,
Kabili kukaba icipuupu ca mwela icikalamba.
15 Kabili imfumu yabo bakaisenda bunkole, pamo na bacilolo ba iko,”+ e fyo Yehova alanda.’
2 “Yehova atila,
‘“Pa milandu* itatu na pa milandu 4 iyo abena Moabu+ bacitile, nshakaalule ubupingushi bwandi,
Pantu baocele amafupa ya mfumu ya bena Edomu ica kuti yaba imito.
2 E ico nkatuma umulilo mu Moabu,
Na o ukoca amayanda ya malinga ayakosa aya mu Keriyote;+
Abena Moabu bakafwa ilyo kukaba icimfulunganya,
Ilyo abashilika bakalapanga icongo ca nkondo, kabili ilyo intandala ikalalila.+
4 Yehova atila,
‘Pa milandu* itatu na pa milandu 4 iyo abaYuda bacitile,+ nshakaalule ubupingushi bwandi
Pantu balekaana ukukonka amafunde ya kwa Yehova,
Kabili balekaana ukukonka ifipope fyakwe;+
Balulumba fye pantu balekonka ifya bufi ifyo ifikolwe fyabo fyalekonka.+
6 Yehova alanda ukuti,
‘Pa milandu* itatu na pa milandu 4 iyo abena Israele bacitile+ nshakaalule ubupingushi bwandi,
Pantu baleshitisha abantu abalungama mu ndalama sha silfere,
Kabili abapiina balebakabulamo ne ndyato.+
Umwana na wishi balaala no mukashana umo wine,
Kabili bakowesha ishina lyandi ilya mushilo.
8 Balanshika ifya kufwala ifyo bapoka ku bapiina ababakwatila inkongole*+ mupepi ne fiipailo fyonse+ no kulambalalapo;
Kabili umwangashi uo banwena mu ng’anda* ya balesa babo untu bashitile mu ndalama isho balipilishe abapiina.’
9 ‘Nine nalofeshe abena Amore abali abalwani babo,+
Abalepele nge fimuti ifitali icine cine* kabili abakosele nge fimuti ifyakosa nga nshi;*
Nalofeshe ne fisabo fyabo ku muulu ne mishila yabo panshi.+
10 Nalimufumishe mu calo ca Egupti,+
Kabili nalengele mwaenda mu matololo pa myaka 40,+
Pa kuti mupoke icalo ca bena Amore.
11 Nalilengele abana benu bamo baba bakasesema+
Kabili nalilengele abalumendo benu bamo baba abaNasiri.+
Bushe te fyo cali, mwe bena Israele?’ e fyo Yehova alanda.
13 Nkamushonawila uko kwine muli,
Nga filya iceleta ilyaisulamo imyanshi* ya ngano lishonaula ifili apo lilepita.
14 Umuntu uubutukisha takakwate ukwa kufulumukila,+
Uwa maka takakwate amaka ya kuipokolola,
Kabili umuntu uwaishiba sana ukulwa takaipusushe.*
15 Uulwa ukubomfya ubuta takapusuke,
Uubutukisha takafulumuke,
Kabili uunina pali bakabalwe takafulumuke no kuipususha.*
16 No mwaume uwashipa sana pa baishiba sana ukulwa
Akafulumuka ubwamba pali bulya bushiku,’+ e fyo Yehova alanda.”
3 “Umfweni amashiwi ayo Yehova alandile pali imwe mwe bena Israele, pali bonse aba mu lupwa ulo nafumishe mu calo ca Egupti:
2 ‘Nimwe fye naishiba pa ndupwa shonse isha pe sonde.+
E mulandu wine nkamukandila pa membu shenu shonse.+
3 Bushe abantu babili kuti baendela pamo nga tabapangene?
4 Bushe inkalamo kuti yabuluma mu mutengo nga tapali inama ya kwikata?
Bushe inkalamo iyana* kuti yabuluma mu cilindi umo ikala nga tapali ifyo ikeete?
5 Bushe icuni kuti caikatwa mu citeyo icili panshi nga tapali ubulyo?
Bushe iciteyo cilafwampuka panshi apo baciteyele nga tapali ifyo cikeete?
6 Bushe mu musumba nga mwalila intandala abantu tabatutuma?
Bushe mu musumba nga mwapona ubucushi ninshi te Yehova acitilepo cimo?
7 Pantu Shikulu Mulopwe Yehova tacita icintu nangu cimo
Ilyo ashilasokolola inkaama yakwe ku babomfi bakwe bakasesema.+
8 Inkalamo naibuluma!+ Nani uushatiine?
Shikulu Mulopwe Yehova nalanda! Nani uushaseseme?’+
9 Bilisheni mu mayanda ya malinga ayakosa aya mu Ashidode
Na mu mayanda ya malinga ayakosa aya mu calo ca Egupti.
Mutile: “Longaneni pa kuti mulwishe impili sha mu Samaria;+
Kabili moneni ifimfulunganya ifili mu Samaria
Ne milandu ya bucenjeshi iilimo.+
10 Pantu tabaishiba ukucita icalungama,” e fyo Yehova alanda,
“Batutila ifyuma mu mayanda yabo aya malinga ayakosa ifyo banonka mu bunkalwe na mu bonaushi”’
11 E ico Shikulu Mulopwe Yehova atila,
‘Umulwani akashinguluka icalo cobe,+
Akakupwisha amaka,
Kabili akapoka ifyaba mu mayanda yobe aya malinga ayakosa.’+
12 Yehova atila,
‘Filya fine kacema asompola amolu ya nama yabili nelyo icipimfya ca kutwi mu kanwa ka nkalamo,
E fyo na bena Israele bakabasompola,
Bonse abalaala pa fya kulaalapo ifya mucinshi no kwikala pa fipuna ifisuma.’*+
13 Shikulu Mulopwe Yehova atila, ‘Umfweni kabili sokeni* aba mu ng’anda ya kwa Yakobo.’
14 ‘Pantu mu bushiku nkakanda abena Israele pa milandu* bacitile,+
Nkonaula ne fiipailo fya mu Betele;+
Nkaputaula ne nsengo sha ku ciipailo kabili shikaponena panshi.+
15 Nkabongolola ing’anda ya mu nshita ya mpepo pamo ne ng’anda ya mu lusuba.’
‘Na mayanda ya meno ya nsofu nkayonaula,+
Kabili nkonaula na mayanda ayakalamba,’*+ e fyo Yehova alanda.”
4 “Umfweni amashiwi aya, mwe ng’ombe ishikota isha ku Bashani,
Mwe baba pa lupili lwa Samaria,+
Mwe bacenjesha abapiina+ no kubacusha,
Mwe beba abalume* benu amuti, ‘Leteni ifya kuti tunwe!’
2 Apo Shikulu Mulopwe Yehova wa mushilo, nalapa ukuti,
‘“Moneni! Inshiku shileisa ilyo nkamwimisha ku fya kukobelako,
Na mwe bakashalapo nkamwimisha ku ndobo.
3 Umo icibumba catobeka e mo cila muntu bakamupushisha;
Kabili bakamutamfisha ku Harmone,” e fyo Yehova alanda.’
5 Tuuleni ilambo lya kutootela ilya mukate uwatutumuka+
Bilisheni ukuti namutuula umutuulo wa kuitemenwa!
Pantu e fyo mwatemwa ukucita mwe bena Israele,’ e fyo Shikulu Mulopwe Yehova alanda.
6 ‘Kabili nalengele ameno yenu yabuuta pa mulandu wa kuti tamwakwete ifya kulya* mu misumba yenu yonse,
Kabili mu mayanda yenu yonse tamwali ifya kulya;+
Lelo tamwabwelele kuli ine,’+ e fyo Yehova alanda.
7 Nalimutanine ne mfula ilyo kwashele imyeshi itatu ukuti mutendeke ukusombola;+
Naliloseshe imfula mu musumba umo, lelo mu musumba umbi nshaloseshemo.
Imfula yalilokele mu mpanga imo,
Lelo mu mpanga imbi umushali imfula mwalyumine.
8 Abantu ba mu misumba ibili nelyo itatu baile baletalantanta ku musumba umo mu kunwa amenshi,+
Nomba icilaka tacapwile;
Lelo tamwabweleele kuli ine,’+ e fyo Yehova alanda.
9 ‘Nalengele ifilimwa fyenu fyapya ku cikabilila kabili fyalifufwime.+
Mwalilimine amabala ayengi na mabala aya myangashi,
Lelo makanta yaliliile imiti yenu iya mikunyu ne ya miolife+
Nomba tamwabweleele kuli ine,’+ e fyo Yehova alanda.
10 ‘Nalimutumiine icikuko nga cilya cali ku Egupti.+
Naipaile abalumendo benu+ ku lupanga kabili nalisendele bakabalwe benu.+
Nalengele mwaumfwa icena icanunka piipi icali mu nkambi shenu;+
Lelo tamwabweleele kuli ine,’ e fyo Yehova alanda.
Kabili mwaishileba ngo lukuni ulo basompola mu mulilo;
Lelo tamwabweleele kuli ine,’+ e fyo Yehova alanda.
12 E ico ifi e fyo nkamucita mwe bena Israele.
Pa mulandu ne fi ifyo nkamucita,
Ipekanyeni ukukumanya Lesa wenu mwe bena Israele.
13 Pantu moneni! E wabumbile impili+ kabili e walengele ukuti kube umwela;+
Aleba umuntunse ifyo aletontonkanya,
Alenga amacaca yaba imfifi,+
Kabili anyantaula apasansuka;+
Ishina lyakwe ni Yehova Lesa wa mabumba.”
5 “Umfweni amashiwi ayo ndelanda pali imwe mwe ba mu ng’anda ya kwa Israele ayali ngo lwimbo lwa bulanda:*
2 ‘Nacisungu, Israele, nawa;
Te kuti eme na kabili.
Nabamulekelesha mu calo cakwe;
Takuli no wa kumwimya.’
3 “Pantu Shikulu Mulopwe Yehova atila:
‘Pa ba mu ng’anda ya kwa Israele,+ mu musumba umufuma abantu 1,000, pa kuya ku nkondo, mukashala fye abantu 100;
Kabili mu musumba umufuma abantu 100, mukashala fye abali 10.’
4 “Pantu Yehova aeba aba mu ng’anda ya kwa Israele ati:
‘Mfwayeni pa kuti mutwalilile ukuba no mweo.+
5 Mwikaya mu kulomba ubwafwilisho ku Betele,+
Mwikaya ku Gilgali+ kabili mwikaya ku Beere-sheba,+
Pantu abena Gilgali bakabasenda bunkole,+
Kabili Betele tayakabeko.*
6 Fwayeni Yehova pa kuti mutwalilile ukuba no mweo,+
Pa kuti ebilima ngo mulilo pa ng’anda ya kwa Yosefe,
Na pa kuti e oca Betele ica kuti peba nangu umo uwa kushimya umulilo.
8 Uwabumbile ntanda sha Kima* ne ntanda sha Kesili,*+
Uwalula imfifi iyafiitisha yaba ulucelo,
Uulenga inshita ya kasuba yaba imfifi kwati bushiku,+
Uwita amenshi ya muli bemba
Pa kuti ayapongolwele pe sonde+
—Yehova e shina lyakwe.
9 Akalenga uwa maka bakamonaule,
Kabili akalenga bakonaule imisumba iya malinga ayakosa.
10 Balipata bakapingula abakalipila abalufyenye pa mpongolo ya musumba,
Kabili balipata abalanda icishinka.+
11 Apo mulasonkesha umupiina amabala,
Kabili mulapoka umusonko*+ wakwe uwa ngano,
Tamwakatwalilile ukwikala mu mayanda mwakuula aya mabwe ya kuseesa,+
Kabili tamwakatwalilile ukunwa umwangashi uusuma uwa mu mabala yenu aya myangashi.+
12 Pantu nalishiba ifyo imilandu* mucita yafula
Ne fyo imembu shenu shakula
Mulacusha abalungama,
Mulapoka amafisakanwa,*
Kabili bakapingula ba pa mpongolo+ balekala pa nsambu sha bapiina.
Lyena Yehova Lesa wa mabumba akaba na imwe,
Nge fi fine mulanda ukuti aba na imwe.+
Nalimo Yehova Lesa wa mabumba
Akabelela uluse aba mu lupwa lwa kwa Yosefe abashalapo.’+
16 “E ico Yehova Lesa wa mabumba, Yehova, atila:
‘Abantu bakalaloosha mu mansa shonse,
Na mu misebo yonse bakalalanda abati, “Iye! iye!”
Baketa na balimi mu kuloosha
Baketa na baishiba ukuloosha ukuti bakesepumapo imisowa.’
17 Yehova atila, ‘na mu mabala ya myangashi monse mukaba abakalaloosha;+
Pantu pa kumukanda nkapita umo mukaba.’
18 ‘We bulanda ku bafwaisha ukuti ubushiku bwa kwa Yehova bukafike!+
Bushe finshi fikamucitikila mu bushiku bwa kwa Yehova?+
Bukaba imfifi, te lubuuto iyo.+
19 Bukaba nga filya ciba ku muntu uwafulumuka inkalamo, e lyo akumana na bere,
Kabili cilya aingila mu ng’anda ashintilisha no kuboko ku cibumba, insoka yamusuma.
20 Ilyo ubushiku bwa kwa Yehova bukesa, kukaba imfifi, te lubuuto iyo;
Kabili kukafiita fititi, takwakabe ulubuuto.
21 Nalipata imitebeto yenu+ kabili nshi-ifwaya,
Nshi-ipakisha icena ca mituulo iyo moca nga mulelongana ukulongana ukwacindamisha.
22 Nangu mwantuula imituulo ya koca ne mituulo imbi,
Nshakapokelele;+
Nshakapokelele na malambo yenu aya mutende aya nama ishaina.+
23 Nshilefwaya ukumfwa icongo ca nyimbo shenu;
Kabili nshilefwaya ukumfwa inyimbo isho mulisha pa filimba fyenu ifya nsale.+
25 Mwe ba mu ng’anda ya kwa Israele,
Bushe ilyo mwali mu matololo pa myaka 40, mwalendetela amalambo no kuntuula imituulo?+
26 Mufwile ukusenda Sakuti imfumu yenu na Kaibani,*
Mulingile ukusenda ne fimpashanya fyenu ifyo mwaipangiile, ifimininako ulutanda ulo mupepa.
27 Nkamulenga bakamusende bunkole ukutali ukucila ku Damaseke,’+ ifi e fyo Lesa wa mabumba+ alanda uo ishina lyakwe ni Yehova.”
6 “We bulanda ku bekala mu Sione abaicetekela,*
Na balya abamona kwati balicingililwa mu lupili lwa Samaria,+
Abalumbuka pali bashimucindikwa ba mu nko,
Abo abena Israele bonse bayako!
2 Kabiyeni ku Kalne muyemona.
Kabiye na ku Hamati umusumba uukalamba,+
E lyo muye ku musumba wa Gati uwa baPelishiti.
Bushe iyi misumba yaliwama ukucila aya mabufumu,*
Nelyo bushe icalo cabo cikalamba ukucila icalo cenu?
4 Balaala pa masanshi ya meno ya nsofu+ kabili balambalala pa fipuna,+
Balya impaanga ishilume na bana ba ng’ombe abaina;*+
5 Bashika inyimbo uku ninshi nsango* alelila,+
Kabili balapanga ifilimba ifya misango iipya+ nga filya fine Davidi alecita;
6 Banwena umwangashi mu mbale ishafonka ishaisula,+
Kabili balaisuba amafuta ya kusubilako abantu ayasuma sana.
Tabasakamana pa bucushi bwa bantu ba kwa Yosefe.+
8 Yehova Lesa wa mabumba atila,+ ‘Ine ne Shikulu Mulopwe Yehova nindapa mwi shina lyandi,*
“Nalipata icilumba ca kwa Yakobo,+
Nalipata amayanda yakwe aya malinga ayakosa,+
Kabili umusumba wakwe ne fyabamo+ nkapeela abalwani bakwe.
9 “‘“Kabili mu ng’anda nga mukashala abaume 10 nabo bene bakafwa. 10 Lupwa* akesa mu kubafumya kabili akalaboca umo umo. Akafumya amafupa yabo mu ng’anda e lyo akepusha onse uuli mu muputule wa mu kati ka ng’anda ati, ‘Bushe kuli bambi abo uli nabo umo?’ Kabili akasuka ati, ‘Awe, takuli!’ Lyena akamweba ati, ‘Leka ukulanda! Pantu ino te nshita ya kulumbula ishina lya kwa Yehova.’”
11 Pantu Yehova e ulepeela ifunde,+
Akabongolola ing’anda iikalamba ica kuti ikashala ifitantaala,
Kabili ing’anda iinono ikashala fye ifisooso.+
12 Bushe bakabalwe kuti babutuka pa cilibwe,
Nelyo bushe umuntu kuti alimapo ne ng’ombe?
Pantu mwalyalula umulinganya waba icilimwa icakwata sumu,
Kabili mwalyalula ifisabo fya bulungami fyaba icilimwa icalula.+
14 E ico nkalenga uluko lukamusanse mwe ba mu ng’anda ya kwa Israele,’+ e fyo Yehova Lesa wa mabumba alanda,
‘Kabili lukamucusha ukutendekela fye ku Lebo-hamati*+ ukuyafika fye na ku Mupokapoka wa Araba.’”
7 Ifi e fyo Shikulu Mulopwe Yehova anangile: Moneni! Alitumine makanta ilyo ifilimwa fya kulekeleshako fyalemena.* Pali ilya nshita ninshi balipwisha ukufuulila imfumu icani ica kuti ifitekwa fikalelya. 2 Ilyo makanta apwile ukulya ifimenwa mu calo, nalandile nati: “Mwe Shikulu Mulopwe Yehova, beleleni abantu benu uluse.+ Bushe Yakobo kuti apusuka?* Pantu takosa!”+
3 E ico Yehova alyalwile ifyo alepanga ukucita,*+ Yehova atile: “Tacakacitike iyo.”
4 Ifi e fyo Shikulu Mulopwe Yehova anangile: Moneni! Shikulu Mulopwe Yehova abomfeshe umulilo pa kukanda aba mu calo. Na o walyocele fyonse ica kuti na bemba yalikamine. 5 Lyena natile: “Mwe Shikulu Mulopwe Yehova, mwikanda abantu benu.+ Bushe Yakobo kuti apusuka?* Pantu takosa!”+
6 E ico Yehova alyalwile ifyo alepanga ukucita.+ Shikulu Mulopwe Yehova alandile ati, “Ici na co nshakacite.”
7 Ifi e fyo anangile: Moneni! Yehova aliminine pa cibumba ico bakuulile ne ntambo ya kupiminako pa kukuula,* kabili aikete intambo ya kupiminako pa kukuula. 8 Lyena Yehova anjipwishe ati: “Cinshi ulemona Amose?” Na ine na-aswike nati: “Ndemona intambo ya kupiminako pa kukuula.” E lyo Yehova atile: “Mona, ndepima abantu bandi abena Israele ukubomfya intambo ya kupiminako pa kukuula. Kabili nshakatwalilile ukubeleela.+ 9 Ififulo fya kupepelapo ifya kwa Isaki+ fikonaulwa, ne ncende sha mushilo isha bena Israele shikonaulwa,+ kabili nkasanshila aba mu ng’anda ya kwa Yeroboamu ku lupanga.”+
10 Amasia shimapepo wa ku Betele+ atumiine Yeroboamu imfumu+ ya Israele amashiwi ya kuti: “Amose alemupangila mu calo cenu ica Israele mwine.+ Abena Israele te kuti batemwe ukutwalilila ukumfwa ifyo alelanda.+ 11 Pantu Amose alanda ati, ‘Yeroboamu bakamwipaila ku lupanga, kabili nangu cibe shani abena Israele bakabasenda bunkole.’”+
12 Lyena Amasia aebele Amose ati: “We umona ifimonwa, kabiye, butukila ku calo ca Yuda, kulya kwine e ko ukalalya umukate, kabili e ko ukalesesemena.+ 13 Lelo mu Betele+ mwena wilaesha ukusesemenamo pantu e mo imfumu isa mu kupepela+ kabili e mwaba itempele ilyo abantu bonse besa mu kupepelamo.”
14 Lyena Amose ayaswike Amasia ati: “Ine nshali kasesema, kabili nshili mwana wa kwa kasesema; lelo nali kacema+ kabili nalesakamana imikunyu.* 15 Lelo Yehova ansendele uko nalecema impaanga, kabili Yehova anjebele ati, ‘Kabiye, kasesemene abantu bandi abena Israele.’+ 16 E ico nomba umfwa ifyo Yehova alelanda: ‘Ulenjeba auti: “Wilasesema ifyabipa pa bena Israele,+ kabili wilalanda+ ifyabipa pa ba mu ng’anda ya kwa Isaki.” 17 E ico Yehova atila: “Umukashi obe akaba cilende mu musumba. Kabili abana bobe abaume na bana bobe abanakashi bakabepaila ku lupanga. Pa kwakanya icalo cobe bakabomfya intambo ya kupiminako, na iwe ukafwila mu calo icakowela; kabili nangu cibe shani abena Israele bakabasenda bunkole.”’”+
8 Ifi e fyo Shikulu Mulopwe Yehova anangile: Moneni! Anangile umuseke umwali ifisabo fya mu lusuba. 2 Lyena anjipwishe ati: “Finshi ulemona Amose?” Na ine na-aswike nati, “Ndemona umuseke umuli ifisabo fya mu lusuba.” Lyena Yehova anjebele ati: “Inshita ya kukanda abantu bandi abena Israele naifika. Nshakatwalilile ukubeleela.+ 3 Shikulu Mulopwe Yehova atila, ‘Muli bulya bushiku+ inyimbo sha pe tempele shikaaluka imisowa. Ifitumbi ifingi bakafipoosaika mpanga yonse+—kukatalala na tondolo!’
4 Umfweni ici, mwe banyantilila abapiina
Kabili mwe balofya abafuuka mu calo,+
5 Mwe batila, ‘Ni lilali ukusefya umweshi uupya kukapwa,+ pa kuti tukashitishe ingano shesu,
Kabili ni lilali isabata+ likapita pa kuti tukashitishe ingano?
Pa kuti tukacefye itepe* lya kupiminako
Na pa kuti tukakushe ishekele* lya kupiminako,
Pa kuti tukalebomfya amasekelo ya kupiminako aya bufi;+
6 Pa kuti tuleshita abalanda mu ndalama sha silfere
Kabili tulekaabula abapiina ne ndyato,+
Na pa kuti tukaleshitisha ingano ishishili bwino.’
7 Yehova, ubucindami bwa kwa Yakobo nalapa mwi shina lyakwe ukuti,+
‘Nshakalabe fyonse ifyo bacita.’+
Mu calo conse mukaba icimfulumfulu,
Cikaba nga filya amenshi ya mu mumana wa Naelo uwa mu Egupti+ yema no kuifubula panshi.’
9 Shikulu Mulopwe Yehova atila, ‘Muli bulya bushiku,
Nkalenga akasuba kakawe ninshi kacili pa kati ka mutwe,
Nkalenga mu calo mukafiite e lyo ninshi akasuba nakabalika.+
10 Nkalenga imitebeto yenu ikabe inshiku sha kuloosha+
Nkalenga ne nyimbo shenu shikabe inyimbo sha bulanda.*
Nkalenga bonse mukafwale insamu kabili imitwe yenu ikasebeka amapala;
Nkalenga ubu bushiku bukabe ngo bushiku bwa kuloosha umwana umwaume uwafyalwa fye eka,
Kabili ilyo ubu bushiku bukalapwa ninshi abantu nabacula nga nshi.’
11 Shikulu Mulopwe Yehova atila, ‘Moneni! Inshiku shikesa,’
‘Ilyo nkalenga mu calo mukabe icipowe,
Te cipowe ca fya kulya nelyo icilaka ca menshi ya kunwa,
Lelo cipowe ca kufwaya ukumfwa amashiwi ya kwa Yehova.+
12 Bakaya baletalantanta ukufuma kuli bemba ukufika kuli bemba
Ukufuma ku kapinda ka ku kuso ukufika ku kabanga.*
Bakalasabanta pa kuti bafwaye icebo ca kwa Yehova, lelo tabakacisange.
13 Muli bulya bushiku banacisungu abayemba bakafwa icipuupu,
Na balumendo bakafwa icipuupu ku cilaka;
14 Abalapila muli tulesa twa bufi utwa ku Samaria,+ kabili abatila,
“Na pali fye lesa obe, we Dani!”+
No kutila, “Na pali fye inshila ya ku Beresheba!”+
Bakawa, kabili tabakeme na kabili.’”+
9 Namwene Yehova+ naiminina pa muulu wa ciipailo kabili anjebele ati: “Uma pa muulu wa nceshi, pa kuti ing’anda itenkane. Uputwile ishi nceshi pa muulu, kabili abantu abakashalapo nkabepaila ku lupanga. Takwakabe uukafulumuka kabili takwakabe uukafyuka.+
2 Nga baimba icilindi pa kuti babelame mu Nshiishi,*
Mulya mwine ukuboko kwandi kukabafumya;
Kabili nga baya mu muulu,
Namo mwine nkababwesha.
Nga bakayabelama panshi ya bemba,
Nkeba insoka ikayebasuma.
4 Abalwani babo nga babasenda bunkole,
Nkeba aba kuti bakayebepaila ku lupanga;+
Nkalenga ifintu fikababipile, kabili tafyakabawamine.+
5 Pantu Shikulu Mulopwe, Yehova wa mabumba, e ukakumya icalo,*
Pa kuti cikasunguluke+ na pa kuti abekashi bakalooshe;+
Mu calo conse mukaba icimpungili,
Cikaba nga filya ciba amenshi ya mu mumana wa Naelo ya mu Egupti+ nga yaima no kuifubula panshi.
6 ‘Uukuula amatabo yakwe mu muulu
Kabili uukuula icikuulwa pa muulu we sonde;
Uwita amenshi ya muli bemba,
Pa kuti ayapongolwele pe sonde+
—Yehova e shina lyakwe.’+
7 Yehova atila, ‘Bushe imwe mwe bena Israele nshimumona fye nge fyo mona abana ba bena Kushi?
Bushe te ine nafumishe abena Israele mu calo ca Egupti,+
8 Yehova atila, ‘Moneni! Ine ne Shikulu Mulopwe Yehova ndemona ubufumu bwa lubembu,
Kabili nkabulofya pe sonde.+
Lelo nshakalofye aba mu ng’anda ya kwa Yakobo bonse.’+
9 ‘Pantu moneni! ndebikako ifunde,
Kabili nkasunkanya aba mu ng’anda ya kwa Israele no kubasalanganishisha mu nko shonse,+
Nga filya fine umuntu asunkanya seefa,
Kabili utumabwe tatupula muli seefa no kuponena panshi.
10 Ababembu bonse aba mu bantu bandi, bakabepaila ku lupanga,
Abalanda abati, “Tatwakakwate amacushi.”’
11 ‘Muli bulya bushiku nkemya insakwe* ya kwa Davidi+ iyawa,
Nkacilika ifipunda fya iko,
Kabili nkawamya ifyaonaikako;
Nkaikuula cipya cipya pa kuti ikabe nga filya yali kale,+
12 Pa kuti abantu bandi bakapoke ifyashala mu bena Edomu,+
Bakapoke ne fyashala mu nko ishitilwa kwi shina lyandi,’ e fyo Yehova uulecita ifi alanda.
13 Yehova atila ‘Moneni! Inshiku shileisa,
‘Ilyo uulimina kuli plao akalatendeka ukulima ninshi tabalapwisha ukusombola, pantu ifyo bakalasombola fikafula nga nshi,
Kabili ilyo inshita ya kutanda imbuto+ ikafika ninshi tabalapwisha ukunyantaula imyangashi;
Kabili impili shonse shikalatonya umwangashi uwalowa,+
14 Nkabwesha abantu bandi abena Israele, uko bakabasenda bunkole,+
Kabili bakakuula cipya cipya imisumba iyali ifibolya e lyo bakekalemo;+
Bakalima amabala ya myangashi no kunwa umwangashi wa muli aya mabala,+
Kabili bakalima amabala no kulyamo ifisabo.’+
15 Yehova Lesa wenu atila, ‘Nkabalimba mu calo cabo,
Kabili takwakabe nangu umo uukabanukula na kabili
Takwakabe uukabafumya mu calo ico nabapeela.”+
Ilyalola mu kuti “Ukuba icipe” nelyo “Ukusenda icipe.”
Nelyo “pa fyo bapondweke.”
Mu ciHebere, “uwikete inkonto.”
Nelyo “pa fyo bapondweke.”
Mu ciHebere, “uwikete inkonto.”
Nelyo “pa fyo bapondweke.”
Nelyo “pa fyo bapondweke.”
Nelyo “pa fyo bapondweke.”
Nelyo “pa fyo bapondweke.”
Mu ciHebere, “kapingula.”
Nelyo “pa fyo bapondweke.”
Nelyo “pa fyo bapondweke.”
Nelyo “balenyantilila abapiina mu lukungu.”
Nelyo “icikatilo.”
Nelyo “itempele.”
Mu ciHebere, “imikedari.”
Mu ciHebere, “imioke.”
Nelyo “imipo.”
Nelyo “takapusushe umweo wakwe.
Nelyo “ukupususha umweo wakwe.”
Nelyo “nkalamo iyana iyakwata amasense.”
Nelyo “ifipuna fya ku Damaseke.”
Nelyo “beni inte.”
Nelyo “ifyo bapondweke.”
Kuti yapilibula no kuti, “amayanda ayengi.”
Nelyo “bashikulwinwe.”
Nelyo “ukupondoka.”
Nelyo “nshamupeele ifya kulya.”
Nelyo “ulwimbo lwa kuloosha.”
Nelyo kuti yapilibula no kuti “ikaba fye cimbi cimbi.”
Nalimo ni ntanda sha Taurusi.
Nalimo ni ntanda sha Orione.
Nelyo “umusonko wa mpanga.”
Nelyo “ifyo mwapondweke.”
Nelyo “balamubosha.”
Ifi ifipanshanya fyonse fibili nalimo fyaleimininako planeti beta ukuti Saturni iyali kalesa ako balepepa.
Nelyo “abailekelesha.”
Nalimo aya amabufumu, bufumu bwa Yuda no bwa Israele.
Mu ciHebere, “mulebapeela icipuna.”
Nelyo “ing’ombe ishilume ishana.”
Nelyo “icilimba ca nsale.”
Nelyo “nailapa ne mwine.”
Mu ciHebere, “Ndume nankwe wa kwa wishi.”
Mu ciHebere, “twaikata insengo.”
Nelyo “apakwingilila mu Hamati.”
E kutila, mu mweshi wa January no wa February.
Mu ciHebere, “kuti aima.”
Nelyo “alilangulwike.”
Mu ciHebere, “kuti aima.”
Nelyo “ico balebomfya pa kukuula pa kuti icibumba cololoke.”
Nelyo “naletulaula ifisabo fya mikunyu.”
Moneni Ifyebo Fyalundwako pa B14.
Moneni Ifyebo Fyalundwako pa B14.
Nelyo “isonde.”
Nelyo “inyimbo sha kuloosha.”
Nelyo “ukutulila akasuba.”
Nelyo “Sheol,” e kutila inshiishi ya bantu bonse. Moneni Amashiwi ya mu Baibo ne fyo Yapilibula.
Nelyo “isonde.”
Nelyo “itenti; umusakuta.”
Mu ciHebere, “tukalasunguluka.”